Meta kompanııasy 10 myńǵa jýyq qyzmetkerin jumystan shyǵarý týraly ekinshi iri personaldy ońtaılandyrý josparyn jarııalady.
Buǵan deıin Meta basshysy Mark Sýkerberg 2023 jyldy kompanııadaǵy «tıimdilik jyly» dep jarııalaǵan bolatyn. Osy aptada meta rekrýtıngtik toby jumystan bosatylady. Al tehnıkalyq jáne bıznes toptaryn qaıta qurylymdaý sáýir men mamyrda ótedi.
«Keıbir bólimderdegi ózgerister jyldyń sońyna deıin sozylýy múmkin», dedi Sýkerberg.
Onyń aıtýynsha, 5 myńǵa jýyq ashyq jumys orny týraly habarlandyrýlar da joıylady.
