Erlan Qarın №111 saılaý ýchaskesinde daýys berdi. Munda 2744 saılaýshy daýys berýge túrkelgen.
Qazaqstanda Májilis pen máslıhat depýtattaryn saılaý ótip jatyr. Saılaýshylar tiziminde 12 mıllıon 32 myń 550 adam bar.
Bıylǵy jyldyń 19 qańtarynda Memleket basshysy Qasym-Jomart Toqaev jetinshi saılanǵan Qazaqstan Respýblıkasy Parlamenti Májilisin taratý jáne Qazaqstan Respýblıkasy Parlamenti Májilisi depýtattarynyń kezekten tys saılaýyn taǵaıyndaý týraly Jarlyqqa qol qoıdy.
Endi májilis depýtattarynyń 70 paıyzy partııalyq tizim boıynsha, 30 paıyzy bir mandatty okrýgterden saılanady. Aralas saılaý júıesi boıynsha 50/50 qatynasy boıynsha oblystar men respýblıkalyq mańyzy bar qalalardyń máslıhattaryna da saılaý ótedi. Al aýdandar men oblystyq mańyzy bar qalalardyń máslıhattaryna saılaýda azamattar bir mandatty okrýgterdegi kandıdattarǵa ǵana daýys beredi. Parlament Májilisi 98 depýtattan turady, onyń 29-y bir mandatty aýmaqtyq okrýgterden saılanady.
Saılaýǵa jeti saıası partııa qatysady. Olar «AMANAT» partııasy, «Aýyl» halyqtyq-demokratııalyq patrıottyq partııasy, «Respýblıka» partııasy, «Qazaqstan» halyq partııasy, «Baıtaq» partııasy, Qazaqstannyń «Aq jol» demokratııalyq partııasy, Jalpyulttyq sosıal-demokratııalyq partııasy.
