Jasynyń toqsandy alqymdap qalǵanyna qaramastan saılaý ýchaskesine óz aıaǵymen júrip kelgen qarııanyń isi álbette kópke úlgi. Sondyqtan aqsaqaldyń osynaý saıası belsendigili men ózgelerge kórsetken úlgisi úshin oǵan úlken syı-qurmet kórsetilip, estelikke arnaıy syılyq tabystaldy.
«О́z basym elimizdegi qandaı saılaý bolady sonyń barlyǵyna qatysyp, saıası dodanyń birinen qalmaýǵa tyrysamyn. Sebebi saıası-ekonomıkalyq bastamalardy iske asyratyn, halyqtyń muń-muqtajyn joqtaıtyn depýtattar bolǵandyqtan olardy el bolyp saılap alý qajet. Eger saıası ómirde nemquraıdy bolyp eshkimdi tańdamasaq, ózimizben-ózimiz bolyp júre bersek, saılaýǵa kim barady, daýysty kim beredi?! Erteń erinshektigimiz ózimizge kesir bolyp tımeı me?! Sondyqtan saılaýdan qalmaý kerek. Bala-shaǵa, nemerelerimdi de eldiń kózi ashyq, kókiregi oıaý azamaty bolýǵa talpyndyramyn. Al ózimniń ómirdegi ustanymym eldegi saıası-ekonomıkalyq qandaı da bir ózgeristerdiń barlyǵynan shet qalmaý. Sonyń ishinde memleket úshin mańyzdy naýqan saılaý da bar. Búgingi saılaýdyń basty ereksheligi ádil bolýynda. Saıası dodaǵa bir emes, beseýden kóp partııalar túsip jatyr. Sonymen birge azamattar partııalyq tizim boıynsha emes, ózin-ózi depýtattyqqa úmit retinde usyna alady. Naǵyz demokratııalyq saıası júıege qadam basyp kele jatqanymyz osy emes pe?! Elimizdiń saıası ómirindegi osyndaı bastamalardy árıne qoldaımyn. Ádil saılaý bolatynyna sengendikten adamda azamattyq belsendiligi de kúshti bolady. Meni saılaý ýchaskesine tań sáriden jetelep alyp kelgen osy oı, memlekettiń saıası júıesindegi tyń ózgersterdiń oryn ala bastaýynan oıanǵan qýanysh sezimi. Meniń zamandastarymnyń qatary sıredi. Tiri júrgenderiniń kópshiliginiń ózi qazir úılerinen bir qadam attap basyp shyǵa almaıdy. Sol úshin boıyma kúsh-qaıratymdy jınap saılaý ýchaskesine kelip daýys berýge múmkindik bergeni úshin Allaǵa myń da bir shúkirshilik aıtamyn. О́mirde talaı qyzmet atqardym. Aýyr beınetti bir kisideı tarttym. Biraq mende osynyń bárin keleshek urpaq úshin jasap jatyrmyn, qyzyǵyn men kórmesem de keleshek solar kórsin degen oıda boldym. Mine, osyndaı pikirmen taǵy da daýys berýge kelip turmyn. Ne deıin, tirshilikte kórgen-túıgenim kóp. Endi sol mol tájirıbemdi urpaǵymmen bólisip qaldyrsam deımin. Prezıdent saılaýynan keıingi mańyzdy saıası dodanyń biri partııalardyń, Parlament pen máslıhat depýtattarynyń saılaýy bolyp tur. Bul oraıda men óz tańdaýymdy jasadym. Sol sekildi barlyq shymkenttikterdi belsendi bolyp, bolashaq úshin tańdaý jasaýǵa úgitteımin», dedi qarııa.
Aıta ketken jón, búgingi saıası naýqanda Shymkent qalasynyń turǵyndary úshin 512 saılaý ýchaskesi esigin aıqara ashty. Al shahardaǵy daýys berý quqyǵyna ıe saılaýshylar sany 639 663 adam.
