Saýda ortalyǵyndaǵy balalar avtobýsy kofehananyń áınekti qabyrǵasyna soqtyǵysyp, ony syndyrǵan. MEGA saýda ortalyǵynyń ishinde ornalasqan mekemeniń oryndyqtaryna áınek synyqtary shashyraǵan.
Saýda ortalyǵynyń baspasóz qyzmeti ókilderi oqıǵanyń 22 naýryzda keshke bolǵanyn habarlady.
«Tehnıkalyq úzilis kezinde attraksıon jabylǵan kezde kámeletke tolmaǵan balalar avtobýsty aıdap, kofehanaǵa soqqan. Zardap shekkender joq. Búgingi tańda avtobýstyń qyzmeti qosymsha sharalar engizilgenge deıin toqtatyldy», dedi kompanııa ókilderi.
