Kompanııanyń bas atqarýshy dırektory Bob Igerdiń aıtýynsha, barlyq sharalar jónindegi aqparat tórt kún ishinde habarlanady.
Kelesi aıda odan da kóp qyzmetker jumystan bosatylatyny aıtyldy.
«Jumystan shyǵarýdyń ekinshi legi sáýir aıynda bastalady. Jazǵa deıin 7 myń jumys ornyn qysqartýdy josparlap otyrmyz», dep qosty Bob Iger.
Mundaı shara Disney shyǵyndaryn 5,5 mıllıard dollarǵa qysqartýǵa múmkindik bermek.
Jumystan bosatý kompanııalardyń barlyq bólimshelerine, sonyń ishinde Dısneı saıabaqtary men kýrorttaryna, ESPN sporttyq telearnasyna, sondaı-aq medıa men dıstrıbýsııaǵa eleýli áser etedi.
Aıta ketsek, Disney aǵyndyq bıznesi Disney+, Hulu jáne ESPN+ kompanııalarynan turady. Tek Disney+ 2,4 mıllıonǵa jýyq izbasarlaryn joǵaltty, al kompanııanyń klıentterge tikeleı kórsetiletin qyzmetteri osy jyldyń birinshi toqsanynda 1,05 mıllıard dollar shyǵyn ákeldi.
Bıyl Disney aksııalary shamamen 8%-ǵa óskenimen, ótken jyly olar 44%-ǵa tómendegen. Kompanııa basshylyǵynyń baǵalaýy boıynsha, 2024 jylǵa qaraı Disney aqsha joǵaltýdy toqtatýy kerek.
