«Endi Úkimet shyn máninde esep beretin Úkimetke aınalady. Mınıstrlerdiń óz jumysyn jetik bilýi ǵana jetkiliksiz. Olar óz ustanymyn Parlament aldynda qorǵaýǵa qabiletti bolýǵa tıis. О́z bastamalaryn qoǵamǵa anyq túsindirýi qajet. Qazir Úkimettiń qateligi men kemshiligin ashyq aıtyp, jónge salyp otyrýǵa tolyq múmkindik bar. Osy múmkindikti halyq múddesi úshin durys paıdalaný kerek. Parlamenttiń óz jumysy da barynsha ashyq bolýǵa tıis. Búginde onyń jıyndary ınternet arqyly kórsetiledi. Bul jaqsy úrdiske aınaldy. Oǵan jýrnalıster de, qalyń kópshilik te qyzyǵýshylyq tanytady. Parlamentte asa mańyzdy másele talqylansa, jalpy otyrysty memlekettik telearna arqyly tikeleı efırde kórsetý qajet dep sanaımyn», dedi Prezıdent.
Onyń aıtýynsha, osylaısha azamattar ózderi saılaǵan depýtattyń qalaı jumys isteıtinin naqty kórip, baǵa bere alady. Parlamenttegi pikirtalastar, shyn máninde, jalpyulttyq aýqymǵa ıe bolady. Sonymen birge, bul tásil ashyq saıasat júrgizýdiń jańa standarttaryn qalyptastyrýǵa, qoǵamdyq dıalog mádenıetin damytýǵa septigin tıgizedi.
«Depýtat bolý – bıik mansap emes, bul – zor jaýapkershilik jáne mańyzdy mindet. Sizderdi halyq saılady. Jurt ózderińizge senim artyp otyr. El senimi – el amanaty», dep oıyn aıaqtady Q. Toqaev.
