«Búginde tergeý amaldary júrip jatyr. Taǵy eske salam, ulym kámelet jasyna tolǵan azamat. Men Chernovtar otbasynan keshirim suradym, qajet jaǵdaıda emdeýge kómek kórsetýge daıyn ekenimdi de aıttym. Biraq, olardan habar bolmady. Aldaǵy 10 kún nemese 2 apta kóleminde tergeý nátıjesimen tanys bolasyzdar. Bul proseske men aralasyp jatqan joqpyn. Chernovtar tatýlasqysy keledi degen aqparat bar. Qazir mańyzdysy tergeý organdarynyń baǵasy berilsin, odan ári kóre jatarmy», dedi Dáýlet Turlyhanov BAQ ókilderine.
Eske sala ketsek, jańa saılanǵan depýtattyń uly Nurasyl Bolat birneshe adamdy soqqyǵa jyqqan. Bul fakt QR QK 293-baby (Buzaqylyq) boıynsha sotqa deıingi tergep-tekserýdiń biryńǵaı tiziliminde tirkelgen.
Odan bólek, tilshiler Dáýlet Turlyhanovtan depýtat retinde Májilis qabyrǵasynda qandaı máseleni qolǵa alatynyn surady.
«Men halyq ıgiligine jumys isteýge keldim. Bir aı boıy turǵyndarmen, eńbek ujymdarymen kezdestim. Shtabtaǵy ókilderim turǵyndardyń ótinish, aryzyn jınady. Sonyń negizinde máseleler tizbegin jasadyq. Onyń deni mekteptiń jetispeýi, aýrýhana jáne kópbalaly analarǵa qatysty bolady», deıdi depýtat.
