«Ulttyq qor – balalarǵa»: 18 jasqa tolǵan soń aqsha qalaı beriledi?

Investısııalyq tabystyń yq­tı­mal teris mánderin jekelegen ýa­qyt aralyqtarynda nıvelırleý maq­satynda ınvestısııalyq tabys mól­sherlemesin esepti kezeńge ótken 18 jyldaǵy ortasha jyldyq mán negi­zin­de aıqyndaý josparlanyp otyr. 18 ­jasqa deıingi bala úshin boljamdy jı­naq somasy shamamen 3,5 myń dollardy quraýy múmkin. Bul soma kapıtal naryǵynyń qubylmalylyǵyn eskere otyryp, tarıhı derekter negizinde eseptelgen jáne álemdik ekonomıkanyń konıýnktýrasyna baılanysty túzetilýi múmkin.

Joba bylaı júzege asyrylady:

1. Shottar «BJZQ» AQ-da (ekinshi deń­geıdegi bankterge júginý talap etil­meıdi) Ádilet mınıstrliginiń jeke­ tulǵalarynyń derekqory negi­zin­de avtomatty túrde ashylady.
2. Jyl saıyn qańtar aıynda­ jo­baǵa qatysqan sátten bastap 18 jas­qa tolǵanǵa deıin «BJZQ» AQ-daǵy­ balalardyń shottaryna shart­ty túrde qarajat esepteledi. Mysa­ly, eger joba bastalǵan kezde bala­ 5 jasta bolsa, oǵan jyl saıyn­ 13 jyl ishinde, ıaǵnı kámeletke tol­­ǵanǵa deıin Ulttyq qordyń ınves­tı­­sııalyq tabysynyń bir bóligi esep­teledi.
3. Jobaǵa Qazaqstan azamattary bolyp­ sanalatyn balalar qatysady.
4. Eger 18 jasqa deıingi bala elden­ ketip, Qazaqstan azamattyǵyn óz­gert­se, onda tólemderge talap qoıý qu­qyǵy joǵalady. Qarajat barlyq bala­ arasynda qaıta bólinedi. Bala el­den 18 jasqa deıin azamattyǵy aýys­­paı ketken jaǵdaıda tólemderge ta­lap qoıý quqyǵy saqtalady.
5. Shot qarajatyn salyq salýdan bo­satý usynylady. 18 jasqa tolǵan kez­de shottardan qarajat tóleýdi AQSh dollarymen júzege asyrý usy­nylady. Is júzinde 18 jasqa tol­ǵanǵa deıin aqsha Ulttyq qorda qa­lady jáne qarjy quraldaryna ın­vestısııalanady.
6. 18 jasqa tolǵan kezde qa­ra­­jat balanyń menshigi bolady, ol­­ qarajatty qalaı paıdalaný ke­rek­ti­gin óz betinshe sheshýi kerek (bilim alý­ǵa nemese turǵyn úı jaǵdaıyn ja­q­sartýǵa). Bul rette sheteldik oqý­ ornynda oqý aqysyn tóleýge qara­jat­ty paıdalanýdy shektemeý jospar­lanyp otyr.

О́z kezeginde turǵyn úı jaǵdaı­la­ryn­ jaqsartý nemese turǵyn úı satyp­ alý úshin qarajatty paıdalanýǵa tek­ Qazaqstan aýmaǵynda ǵana ruq­sat­ etiledi. Osy qarajatqa satyp alyn­ǵan­ turǵyn úıdi qaıta satý boıynsha shek­teýler kózdelmeıdi.

7. Qarajatty maqsatty paıdala­ný­ úshin «BJZQ» AQ ózara is-qı­myl­ jasaıtyn ýákiletti operator­lar­dy («Otbasy bank» AQ, ekinshi deń­­geıdegi bankter) anyqtaý usy­ny­lady.
8. 18 jasqa tolǵanda shottaǵy qara­jat 5-10 jyl boıy saqtalady. Ta­lap­ etilmegen jaǵdaıda 5-10 jyl ishin­­de shottaǵy qarajatty zeınetaqy sho­tyna aýdarý usynylady.
9. Sondaı-aq azamattyq zańnamaǵa sáı­kes is júzinde jınaqtalǵan qara­jat­ty muragerlik boıynsha berý múm­kindigi kózdeledi.
10. Bala áreketke qabiletsiz bol­­ǵan jaǵdaıda, ata-analarǵa (zań­dy­ ókilderge) QR zańnamasynda bel­gilengen tártippen qarajatty paı­da­la­nýǵa quqyq berý josparlanyp otyr.

«Tutastaı alǵanda, usynylǵan al­go­rıtm boıynsha jobany iske qosý úshin­ zańnamaǵa ózgeristerdi qosa al­ǵan­da, daıyndyq jumystaryn júr­gizý qajet bolady. Osy jyly Qa­­zaqstan Respýblıkasynyń zań­na­masyna jáne tıisti normatıvtik qu­qyq­tyq aktilerge túzetýler qabyl­daý­ josparlanýda. Jobany iske qo­sý­ testileýi tıisti platformalar­da­ (qosymshalar, BJZQ saıty)­ ótkiziledi», delingen Qarjy mınıstrliginiń habarlamasynda.