«Sıfrlyq qujattar» bóliminde kelesi anyqtamalarǵa qol jetkizý múmkindigi qarastyrylǵan:
- zeınetaqy jınaqtary boıynsha;
- zeınetaqy men járdemaqyny tóleý boıynsha;
- áleýmettik aýdarymdar boıynsha.
Bul azamattardyń memlekettik qyzmetterdi alý úderisin barynsha jeńildetýge múmkindik beredi.
«Biz múddeli memlekettik organdarmen birlese otyryp, ekinshi deńgeıli bankterdiń platformalary men qosymshalaryna tanymal memlekettik qyzmetterdi engizý jumystaryn júrgizýdemiz. Búgingi tańda bank qosymshalarynda 15-ten astam, sonyń ishinde kólik quraldaryn qaıta tirkeý, jeke kásipkerlerdi tirkeý, bala kútimi men týýy boıynsha járdemaqy taǵaıyndaý jáne t.b memlekettik qyzmet túrleri qoljetimdi. Sondaı-aq bankterdiń platformalary arqyly sıfrlyq qujattardy paıdalanýǵa bolady. Munyń barlyǵy memlekettik qyzmetterdiń qoljetimdiligin arttyrady jáne azamattarǵa memlekettik qyzmetterdi osy jerde jáne dál qazir alýǵa múmkindik beredi», dep túsindirdi Sıfrlyq damý mınıstri Baǵdat Mýsın.
