Senatorlar qazirgi qoǵamda bul taqyryptyńmańyzy arta túskenin atap ótti. Sońǵy jyldary ruqsat etilmegen polıgondar kóbeıip, sırek kezdesetin ósimdikter men tabıǵı resýrstardy joıý oqıǵalary jıilep ketken bolatyn. Sondyqtan da qazirgi kezde jurtshylyq ókilderi qorshaǵan ortany, flora men faýnany qorǵaýǵa baılanysty máselelerdi qyzý talqylaýda.
Qazirgi ýaqytta elimizde memlekettik 14 ulttyq tabıǵı park, memlekettik 10 tabıǵı qoryq jáne memlekettik 7 tabıǵı qoryq, memlekettik 5 tabıǵı aımaq bar. Erekshe qorǵalatyn tabıǵı aýmaqtardyń jalpy aýdany 29,3 mln gektardy quraıdy, bul – elimiz aýmaǵynyń 10,77%-y bolyp otyr.
«Búgingi otyrys barysynda erekshe qorǵalatyn tabıǵı aýmaqtardyń ekologııalyq turaqtylyǵyn qamtamasyz etý salasyn zańnamalyq retteý máseleleri qaraldy, florany saqtaý máseleleri kóterildi. Sondaı-aq órt jáne tabıǵı apattarǵa baılanysty problemalar da kóterildi, tabıǵı resýrsáleýetin utymdy paıdalaný joldary jáne basqa da mańyzdy máseleler talqylandy», dedi senator Álı Bektaev.
Kezdesýge QR Ekologııa jáne tabıǵı resýrstar mınıstriniń orynbasary Nurken Shárbıev, sondaı-aq Býrabaı, Ile-Alataý ulttyq tabıǵı parkteri men Marqakól tabıǵı qoryǵynyń basshylyǵy qatysty.
Senatorlar shara barysynda aıtylǵan usynystar pysyqtalatynyn jáne Úkimetke jiberiletin usynymdar tizbesine engiziletinin atap ótti.
