Sýret: ranking.kz
QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń (QR BP QS AEK) málimetinshe, 2022 jyly sýısıdten qaıtys bolǵandar sany 4 myńnan 3,7 myńǵa deıin azaıdy.
2023 jyldyń qańtar-aqpan aılarynda 526 qazaqstandyq ózine qol jumsaǵan, bul byltyrǵy sáıkes kezeńmen salystyrǵanda 5%-ǵa az.
Statıstıkaǵa kóz júgirtsek, sýısıdke kóbinese er adamdar beıim ekenin baıqaýǵa bolady. Sýısıdten qaıtys bolǵandardyń 78,9%-y er adamdar: 2,9 myń, qalǵan 770-i áıel.
Bul rette, otandyq BAQ-ta jasóspirimderdiń óz-ózine qol jumsaýy taqyryby jıi qozǵalatynyn aıta ketý kerek. Sonymen qatar, eń osal jas toby, statıstıka boıynsha, orta jastaǵy adamdar — 30-dan 54 jasqa deıin. Sýısıdten qaıtys bolǵandardyń jalpy statıstıkasynda osy sanattyń úlesi 54,9%. Ekinshi orynda egde jastaǵy adamdar: árbir tórtinshi sýısıdti (23,5%) 55 jastan asqan qazaqstandyqtar jasaǵan.
О́zine qol jumsap qaıtys bolǵandar ishinde 18 ben 29 jas aralyǵyndaǵy jastardyń úlesi 17,3%-dy qurady, al osy jas tobynyń ózine-ózi qol jumsaý áreketteri statıstıkasyndaǵy úlesi sál ǵana joǵary boldy: 18,8%. Dál osyndaı úrdis balalar men jasóspirimderdiń óz-ózine qol jumsaý derekterinen de baıqaýǵa bolady: óz-ózine qol jumsaýǵa árekettengenderdiń úlesi is júzinde qaıtys bolǵandardyń úlesinen joǵary: tıisinshe 5% jáne 4,3%.
