Halyqaralyq «ATI.SU júk tasymaly bırjasynyń» habarlaýynsha, ósimniń basty draıveri reseılik baǵyt bolyp otyr. Bul baǵyt boıynsha ótinim sany 222 paıyzǵa, al baǵa 67 paıyzǵa ósken. Mundaı dınamıka Belarýs baǵytynda da baıqalady. О́zbekstan men Qyrǵyzstanǵa tasymal da aıtarlyqtaı ósimge ıe.
«Reseılik baǵyttaǵy ósimniń basty sebebi – kompanııalardy sol eldiń naryǵynan ketýge májbúr etken batys sanksııalary. Mundaı ahýal Reseımen «dostas» biraz elde baıqalady. Biraq Qazaqstan Túrkııamen birge eýropalyq taýarlardy RF-ǵa jetkizý boıynsha negizgi tıeý beketi bolyp otyr. Sonymen qatar tikeleı Qazaqstanda óndiriletin ónimderge de suranys joǵarylady», delinedi habarlamada.
О́zge elderden Qazaqstanǵa tasymal boıynsha qalypty ósim bar. Byltyrmen salystyrǵanda ótinim sany 49 paıyzǵa kóbeıgen, al baǵa múlde ózgermegen. Esesine suranys ósimi barlyq baǵyt boıynsha tirkelgen: Reseıden de (+45 paıyz), Qytaıdan da (+63 paıyz), basqa eýropalyq elderden de.
ATI.SU málimetinshe, birinshi toqsanda el ishindegi tasymal boıynsha ótinim sanynyń 3 ese artýyna ekonomıkalyq ósim ǵana emes, logıstıkalyq júıeniń qaıta qurylýy da sebep bolǵan syńaıly.
«Aýqymdy ózgeris kezinde kóptegen kompanııa baıyrǵy seriktesterimen shektelmeı, jańa júk tasymaldaýshylaryn izdeýge májbúr bolyp jatyr. Zamanaýı jaǵdaıda muny bırjada júzege asyrý tipti ońaı», deıdi Halyqaralyq «ATI.SU júk tasymaly bırjasynyń» qazaqstandyq ókildiginiń dırektory Renata Zobova.
Jaqyn keleshekte negizgi úrdister saqtalady. Biraq oǵan jańalary qosylýy da múmkin eken.
«Reseılik baǵytqa qaraı tasymal ósimi baıaýlaıdy dep boljaımyz. Biraq jańa perspektıvaly baǵyttar ashylady. Mysaly, pandemııadan keıin shekteýlerdi birtindep alyp tastap jatqan Qytaımen seriktestik kezinde birqatar múmkindik ashylyp jatyr», deıdi R. Zobova.
