Qoldaý kórsetken Qaraǵandy qalasyny ákimdigi. Sanaýly ýaqyttan soń Qaraǵandy qalasynyń basyndaǵy 60 qoǵamdyq kólikte elektrondy kitap oqýǵa osyndaı múmkindik jasalady. Ázirge onyń sany – 22. Bul arada tek jolaýshynyń aqyldy telefony ınternetke qosylýly bolsa jetkilikti. QR kodpen kórkem shyǵarmany júkteı alady.
«Jol ústindegi kitaphana» kóliktiń ortańǵy bóliginde ornalasqan. Onda ár kórkem shyǵarmanyń QR-kody jazylǵan. Oqyrman talǵamyna sáıkes qazaq, orys, shetel ádebıeti bar. QR-kodty skanerleý arqyly jolaýshy qalaǵan týyndysyn telefonyna júkteıdi. Joba halyqtyń betin kitapqa burýdy maqsat tutypty.
«Jyljymaly kitaphana kórkem ádebıetke oqyrman tartý úshin jabdyqtalǵan. Qazaq, orys jáne shetel klassıkasy sekildi úsh bólimnen turady. Shyǵarmalardyń arasynda Muhtar Áýezovtiń «Kókserek», Abaı Qunanbaıulynyń «Eskendir», Aleksandr Pýshkınniń ertegileri, Artýr Konan Doıldyń «Joǵalǵan álem» jáne basqa da týyndylary bar. Jobaǵa júrý baǵyttary uzaq jáne jolaýshylar aǵyny qalyń marshrýttar tartyldy», deıdi qala ákimdiginiń baspasóz qyzmeti.
Baspaóz qyzmetiniń málimdeýinshe, kitaphananyń sıfrlyq muraǵatynda barlyǵy 41 týyndy. Onyń 21-i qazaq klassıkasy, 14-i shetel jáne qalǵany orys klassıkasy.
Qaraǵandy
