Qustarǵa qamqorlyq

Kúzdiń kúni jyly jaqqa ushyp ketken jyl qustary naýryz, sáýir aılarynda qaıtyp oralyp, ba^­la­pan shyǵarady. Ásirese, aýyl ish­terinde qaratorǵaıdyń saırap otyratynyn jıi baıqaımyz. Iá, saıraýyq qustar eldi mekendi jaǵalaıdy.

– Jyly jaqtan ushyp kelgen qustar balapan basýǵa qolaıly jer izdep, alas uratyndaı kóri­nedi bizge. Jumysymyz tabı­ǵat­ty qorǵaý bolǵandyqtan, qus­tar­ǵa qamqorlyq kórsetkimiz keledi. Qustar ǵana emes, kúzde túz tuıaqtylaryna da jem-shóp­te­rin ázirlep, qystan shy­ǵýyn jeńildetemiz, – deıdi janýarlar álemin qorǵaý jáne ón­di­rý bóliminiń qyzmetkeri Ámir Bazılov.

Qanattylarǵa qamqorlyq ta­nyt­qan park qyzmetkeri Katon­qaraǵaı aýylyndaǵy S.Lastaev mektebiniń oqýshylaryna qus uıasyn jasaýdy úıretti. Bala­lar da bul jumysqa qyzyǵa ki­risti. Bul – bir jaǵynan tabı­ǵat­ty qorǵaýǵa, janýarlarǵa ja­na­­shyr­lyq kórsetýge úıretse, ekinshi jaǵynan balany eńbekke baýlý. Qus­tarǵa uıa, naýa jasaý sekildi ju­mystardy qala mektepteriniń oqýshylary da qolǵa alsa, quba-qup bolar edi. Áıtpese, qol eńbe­gi­ne ıkemi joq balalar az emes.

Sóıtip, katonqaraǵaılyq oqý­­shylar jasaǵan uıalaryn mek­tep­tiń baý-baqshasyna ornatty. Kóp uzamaı bıikteý uıaǵa qos qaratorǵaıdyń turaqtaǵanyn da aıtady oqýshylar. Bul saıraýyq qus jylyna úsh ret balapan ushyrady eken. Eki ret jyly jaqta jumyrtqa bassa, bir ret soltústik óńirlerde balapanyn qara qanattandyrady.

Shyǵys Qazaqstan oblysy,

Katonqaraǵaı aýdany