Sýretti túsirgen Erlan OMAR, «EQ»
Aımaqtaǵy jumyssyzdyqpen kúres qarqyndy. Prezıdenttiń tapsyrmasyna sáıkes, qazirgi kezde 2,5 paıyzdyq mólsherlememen shaǵyn nesıe berý isi jolǵa qoıyldy. Atalǵan qoldaýǵa oblystaǵy 21-35 jas aralyǵyndaǵy turǵyndar ıe bola alady. Osyǵan oraı, óńirde 375 jas shaǵyn nesıe almaq nıette.
Túrli baǵyttaǵy bıznes bastaý úshin 5 mln teńge kóleminde nesıe beriledi. Basty shart, kepilge qoıatyn múlik bolýǵa tıis. Almaty oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy Aıgúl Ahmetovanyń aıtýynsha, nesıege 41 adam ótinim bergen, olardyń 35-niń qujattary maquldanǵan. Qalǵan jastardyń kepildik qujattary talapqa saı bolmaı shyqqan. Sonymen qatar basqarma basshysy shaǵyn nesıe rásimdeýde jastardyń belsendiligi tómen ekenin alǵa tartty.
«О́kinishke qaraı, bizde jastardyń belsendiligi tómen. Bul nasıhat jumystarynyń baıaý júrýimen de baılanysty shyǵar. Qazirgi tańda biz bólingen 2 mlrd teńge qarajatty 375 adamǵa nesıe retinde berýdi josparlap otyrmyz. Eger de, ótinim berýshi jastar sany artyp jatsa, Úkimetten qosymsha qarjy suraımyz», deıdi oblystyq jumyspen qamtý basqarmasynyń basshysy Aıgúl Ahmetova.
Almaty oblysy
