Vengr qyzy Feher onyń sózine basqalardyń tańǵalatynyna úırenip qalǵan. О́ıtkeni ol negizinen qazaq tilinde sóıleıdi.
«Ulttyq aspap qobyzǵa 2014 jyly qyzyǵa bastadym. Sol kezde «Turan» ansambliniń ónerin kórdim. Bul maǵan qatty áser etti. Sodan beri qazaq mádenıetine ǵashyq boldym. Men óz elimde qobyz tartý etken ansamblde óner kórsettim. Men aspapty ońaı meńgerdim, óıtkeni men vıolonchelde oınaı alamyn. Keıin Maqsat Medeýbekten onlaın sabaq aldym», dedi Feher.
Qazir talantty arý Qoja Ahmet Iаsaýı atyndaǵy Halyqaralyq qazaq-túrik ýnıversıtetinde ulttyq mýzyka mamandyǵy boıynsha bilim alyp jatyr. Ol mýzykalyq aspaptarda jaqsy oınap qana qoımaıdy, sonymen qatar birneshe tilde erkin sóıleıdi. Mektepte oqyp júrgende aǵylshyn, nemis, orys jáne túrik tilderin úırengen.
«Men Qazaqstanǵa qazaq tilin úırenip, qobyz aspabyn meńgerý úshin kóship keldim. Meniń ustazym Erasyl Qaýymbaev. Ol maǵan dombyra tartýdy da úıretedi. Biraq dombyra tartýdy úırenemin dep oılamappyn. Degenmen úırenip jatqanyma óte qýanyshtymyn. Ár nárseniń óz artyqshylyǵy bar deıdi», dedi vengr qyzy.
Baglarka Feherdiń án jazatyn talanty da bar. Ol qazaq mádenıetine degen súıispenshilik týraly «Dala syry» ánin jazǵan-dy.
