Bir shańyraq astynda, bir maqsat aıasynda, bir múdde jolynda tize qosqan eldiń almaıtyn qamaly joq. Sondaı saýapty jolda jumys istep kele jatqan qurylymdardyń biri – Analar keńesi. Qazirgi kúni bizdiń keńesimiz qanatyn keńge jaıyp, oblystyq ári respýblıkalyq deńgeıde izgi isterge bastamashy bolyp keledi.
Jalpy, Assambleıa týraly aıtar bolsaq, ol elimizdegi ultaralyq jáne konfessııaaralyq qatynastardyń betke ustar kóshbasshysyna aınalǵany málim. Sebebi QHA jasap jatqan reformalar men basqa jumystar beıbitshilikti, tynyshtyqty saqtaýǵa baǵyttalǵan, al bul óz kezeginde elimizdegi birlik pen kelisimniń nyǵaıýyna yqpal etedi.
Jıyn barysynda Assambleıanyń qoǵamdaǵy rólin arttyrýǵa qatysty birqatar usynys aıtyldy. О́z tarapymnan birinshiden, etnosaralyq qatynastar máseleleri boıynsha memlekettik qyzmetshilerdiń, sondaı-aq etnomádenı ortalyqtar ókilderiniń biliktiligin arttyrý júıesin jetildirý, ekinshiden, óńirlik assambleıalar arasynda medıasııa, volonterlik, qaıyrymdylyq jáne qoǵamdyq baqylaý boıynsha tájirıbe almasýdy qamtamasyz etýdi usynar edim.
Bir jaǵadan bas, bir jeńnen qol shyǵarý arqyly jańa Qazaqstannyń myzǵymas tatýlyǵyn saqtaý – el halqyna amanat!
Gúlsara TО́LEBEKQYZY,
Túrkistan oblystyq Analar keńesiniń tóraǵasy
