Er Keıki – el esinde

Ǵylymı-tanymdyq máni zor is-sharaǵa óńir zııalylary, ýnıversıtet oqytýshylary men stýdentter qatysty. Saltanatty rásimge onlaın júıesinde qosylǵan belgili tarıhshy Búrkitbaı Aıaǵan, Nazıra Bákirqyzy syndy ǵalymdar jańa jınaqty joǵary baǵalap, avtorǵa jyly lebizderin bildirdi.

Osydan birneshe jyl buryn Al­masbek Ábsadyqtyń jetekshiligimen «Keıki batyr izimen» ekspedısııasy uıym­dastyrylǵan bolatyn. Torǵaı­daǵy ult-azattyq kóterilisiniń bas sar­dary Amankeldi Imanovtyń 150 jyl­dyǵy aıasynda jaryq kórgen jańa jınaqtyń «Tanym» dep atalatyn alǵashqy bólimine sol ǵylymı-tanym­dyq sapardyń materıaldary enip otyr. Ekspedısııa músheleriniń sózine qaraǵanda, Keıki Kókembaıulynyń erlik ǵumyrnamasyna qatysty birshama tyń derekter qamtylǵan eńbek 3 myń dana bolyp shyqqan.

– Sapar barysynda biz Aman­kel­di, Jangeldın aýdandarynda bolyp, kó­ne­kóz qarııalardyń aýzynan bir­sha­ma derekterdi jazyp aldyq. Aqsa­qaldardyń aıtýynsha, Torǵaı úshin bolǵan keskilesken shaıqasta Keıki batyr mergender jasaǵyn basqaryp, úlken erlik kórsetken. Bekiniske myqtap bekinip alǵan pýlemetshiler oqty qardaı boratyp, kóterilisshilerdi alǵa bastyrmaı qoıǵan. Amankeldi sarbazdaryn bul tyǵyryqtan alyp shyqqan nárse – Keıkiniń mergendigi, erligi. Qol mergen basqarǵan jasaq pýlemetshilerdi alys­tan atyp túsirip otyrǵan. Sodan bastap Keıki batyr atanǵan, – deıdi jınaqtyń avtory Almasbek Ábsadyq.

«Er Keıki – el esinde» kitabynyń «Taǵzym» dep atalatyn ekinshi bólimine azat dalanyń at ústinde qasqaıǵan kúıi oqqa ushqan eń sońǵy jaýyngeriniń erlik dástúrin zerdelep júrgen ǵalymdar men qalamgerlerdiń eńbekteri engen.

Jınaq barlyq óńirlerdegi kitap­hanalarǵa taratylatyn bolady.

Qostanaı oblysy