Til tazalyǵy nazardan tys qalmaýy tıis

ASTANA. 10 shilde. Aýyzeki tilde orys sózderin orynsyz qoldaný tilimizdi jutańdatyp, tól sózderimizdiń qoldaný aıasyn tarylta túsýde. Bul týraly egemen.kz tilshisi habarlady. Tilimizdiń tazalyǵy týraly áńgime sońǵy ýaqyttarda nazardan tys qalyp barady. О́ıtkeni, qazaqsha múlde sóılemeıtinderge nazarymyzdy kóp aýdaryp, qazaqsha sóıleýge tıisti azamattarymyzdyń óziniń durys sóıleýi, til tazalyǵy jaıly áńgimeni ysyryp qoıǵandaımyz. Biraq bul eshqashan da esten shyǵarylatyn másele emes. Aýyzeki tilde orys sózderin orynsyz qoldaný tilimizdi jutańdatyp, tól sózderimizdiń qoldaný aıasyn tarylta túsedi. Burynnan enip, sińisti bolyp ketken «sápsem», «daje» degender túgili qazir qazaqtyń «etip» degen etistigin qosyp alyp, orys sózderin qazaqylandyratyn «moda» shyqty. Mysaly, «volnovatsa etip», «opazdat etip» t.t.s. Onyń ústine qoıyrtpaq tildi qoıýlata túsetin bir telejúrgizýshiler shyǵyp júr. Ondaılar ózderiniń qoıyrtpaq tiline ózderi máz bolyp, jurtty kúldirmek bolady. Osy, orystan enip, qulaqqa sińisti bolyp bara jatqan joǵarydaǵydaı sózderdi terip, olardyń qazaq tilindegi qysqa da, nusqa sózdigin qamtyǵan maqala jazýdy qolǵa almaqpyz. Máselen, onda joǵaryda aıtylǵan «dajeniń» «tipti», «esh», «sovsemniń» «múlde» degen sııaqty qazaqsha jeńil aýdarmalary baryn kórsetýdi kózdeımiz. Soǵan, til janashyrlary, sizderdiń kómekterińiz qajet. Kúndelikti ómirdegi sóılemderimizge «basqynshylyqpen» enip bara jatqan ózińiz biletin orys sózderin «Egemenniń» saıtyna salyp turýlaryńyzdy ótinemiz. Al biz «Egemenniń» betinde shyǵatyn bolashaqtaǵy maqalamyzda solardyń qazaqsha jeńil balamasyn kórseter edik. Egemenniń saıty: egemen.kz ekenin esterińizge salamyz. Jaqsybaı Samrat. Derekkóz: egemen.kz. Foto: turkystan.kz.