Salyq bereshegi

boıynsha anyqtamalardy HQO arqyly alýǵa bolady Buryn Qazaqstannyń salyq tóleýshileri salyq beresheginiń, mindetti zeınetaqy jarnalary men áleý­mettik aýdarymdar boıynsha bereshektiń bolmaýy (bolýy) týraly anyqtamalardy, sondaı-aq, salyq komı­teti baǵyty boıynsha basqa da anyqtamalardy Salyq basqarmasy arqyly alatyn edi. Osy jyldyń mamyrynan bastap azamattarǵa Halyqqa qyzmet kórsetý ortalyǵy men Elektrondyq úkimet portaly arqyly qajetti máli­metter alýǵa múmkindik beretin úkimet qaýlysy zańdy kúshine endi. Osy ýaqytqa deıin bul qyzmetter HQO arqyly «qanatqaqty rejimde» kórsetilip keldi. HQO arqyly salyq bereshegi boıynsha qajetti anyqtamalar alý úshin úlgi boıynsha salyq ótinishiniń nysanyn toltyrý jetkilikti, bul oraıda jeke tulǵalardyń ózderimen birge jeke kýáligi bolýy kerek, al zańdy tulǵalarǵa senimhat pen tirkelgen zańdy tulǵa týraly anyq­tama qajet bolady. Anyqtamanyń túrine qaraı nátıjeni 2-5 jumys kúninen keıin alýǵa bolady. Anyq­tamalar tegin beriledi. Elektrondyq úkimet portaly arqyly anyqtamalar alý úshin ESQ ǵana bolsa jetkilikti. Bul úshin egov.kz por­ta­lyndaǵy «Salyq jáne qarjy» bóliminde qajetti qyzmetti tańdaý jáne onlaın anyqtamaǵa tapsyrys berý qajet. Al, ınternetke qoljetimdiligi joq adamdarǵa Halyqqa qyzmet kórsetý ortalyqtarynda «Connection point» buryshtary qarastyrylǵan, onda elektrondyq-sıfrlyq qoltańbasy jazylǵan jeke kýáligi bar bolǵan jaǵdaıda bul qyzmetti ózdiginen alýǵa bolady. Jyldyń basynan Qyzylorda oblysynyń 45 myńnan astam turǵyny «Connection point» arqyly qyzmetti ózdiginen alý múmkindigin paıdalanǵandyǵyn atap ótken jón.