Is-sharaǵa Ǵylym jáne joǵary bilim mınıstrligine qarasty Joǵary jáne joǵary oqý ornynan keıingi bilim berý komıteti tóraǵasynyń orynbasary Aqerke Abylaıhan men QR Parlamenti Májilisiniń depýtaty Dáýlet Muqaev qatysty.
«Ǵylym jáne joǵary bilim mınıstrligi atynan bilimge qushtar jastardy qoldap, bilim men ǵylymdy negizgi qundylyqqa aınaldyryp otyrǵan jobaǵa sáttilik tileımiz», dep atap ótti Aqerke Abylaıhan.
2019 jyly bastaý alǵan «Bilimniń juldyzy» qaıyrymdylyq jobasy Qazaqstannyń bilimdi, ári talantty jastaryn qoldap keledi. Bıyl 200 stýdentke 100 000 teńgeden bir rettik shákirtaqy taǵaıyndaldy. Irikteýge Qazaqstannyń túkpir-túkpirinen 854 stýdentten ótinim tústi. Onyń ishinde 774 ótinim JOO, 80 ótinim kolledj stýdentterinen kelgen. Jeńimpazdardy anyqtaýda motıvasııalyq hat, oqý úlgerimi men áleýmettik jaǵdaılary eskerildi.
«Shákirtaqy ıegerleriniń basym kópshiligi kópbalaly otbasylardan, tolyq emes januıada óskender, jetim jáne ata-anasynyń qamqorlyǵynsyz qalǵan balalar, ata-anasynyń ekeýinde de nemese bireýinde múgedektik bar jandar jáne múmkindigi shekteýli stýdentterden boldy», dedi Qor jetekshisi Jasulan Qýandyq.
Jeńimpazdardyń tizimin dauletten.kz saıtynan kórýge bolady.
