Shashty isik – qorytylmaıtyn-sińirilmeıtin shash massasynyń asqazan-ishek jolynda jınalýynyń nátıjesi, sodan ishte kedergi paıda bolady. «Shash jutý» sındromy óte sırek kezdesetin syrqat.
«Bul aýrý óte sırek kezdesedi. Asqazanda jınalǵan shatasqan shashtyń kóp mólsheri trıhobezoar nemese «shashty isik» paıda bolýyna ákelip soǵady. Ol asqazandy birte-birte bitep, onyń jumysyna kedergi keltiredi. Mundaı isik uzyn quıryqty asqazannyń pishinine keledi, ash ishekke deıin jetedi. Ǵylymı málimetterge súıensek, mundaı sındromy bar naýqastardyń jetpis paıyzy jıyrma jasqa tolmaǵan áıel adamdar», dep túsindirdi №2 kópsalaly qalalyq balalar aýrýhanasynyń josparly hırýrgııa bóliminiń meńgerýshisi Azamat Orazalınov.
Aýrýhanaǵa túsken balanyń ata-anasy aldymen óz emhanasyna júgingen, onda FGDS arqyly tekserý júrgizgen.
Dárigerdiń aıtýynsha, uldarǵa qaraǵanda qyzdar Rapýnsel sındromyna jıi ushyraıdy. Áıelderdiń shashtary ádette erkekterge qaraǵanda uzyn, sondyqtan asqazannyń shyryshty qabatynda qalyp qoıý yqtımaldyǵy joǵary. Bala shashty jutqan kezde isik kólemi ulǵaıady jáne ol qorytylmaıtyn-sińirilmeıtin shash jıyntyǵyna aınalady.
