ChatGPT qaýipsiz be?

Eń aldymen, biz ChatGPT-tiń qaýip­sizdik qaterleri men ony týyn­datatyn máseleler tý­ra­ly aıt­qymyz keledi. ChatGPT bas­qa chat-bottar negizindegi teh­no­­lo­gııa­ǵa uqsas bolýy múmkin. Biraq ol óz aldyna erekshe ónim bolyp qa­la bermek. Eger siz ony jeke kó­mekshi retinde paıdalanǵyńyz kel­se, septigi mol, paıdasy orasan. Al qaýip-qater sýbektileri bar ekenin oılasańyz, kóńilge alań kiredi. Bir ókinerligi, «daıyn asqa tik qasyq» bolǵysy keletin kıberqylmyskerler ChatGPT qol­dan­basyn zııandy baǵdarlama ja­zý, alaıaqtyq veb-saıttardy qurý, fı­shıngtik elektrondy hattardy jasaý, jalǵan jańalyqtar daıarlaý sekildi jymysqy áreketter úshin paıdalana alady eken. Osy rette ChatGPT-tiń paıdadan góri kıberqaýipsizdik qaýpi basym bo­lýy múmkin. Sol úshin qazirgi ýaqyt­ta ómirge kelgen árbir jańa teh­nologııanyń artyndaǵy zalaldy tustaryn da sana-sezimimen salmaqtaý, tarazylaý tuty­ný­shy­nyń ózine baılanysty.

Sonymen qatar ChatGPT-tiń ózinde belgili bir rettelme­gen osal­dyqtar bar degen úl­ken alań­daýshylyq týyndap otyr. Mysaly, osy jyldyń naýryz ­aıyn­da keı­bir paıdalanýshylardyń basqa­lar­dyń áńgimeleriniń taqyryp­­ta­ryn, maz­mundaryn kóre alaty­ny týraly aqparattar tarady. Sol kezde The Verge aqparat saıty habarlaǵandaı, OpenAI bas dı­rektory Sem Altman atalǵan má­selege derekkózderdegi al­ǵashqy qa­telik sebep bolǵanyn túsindir­di. Bul bizge neni meńzeıdi? Bul óz áleýeti boıynsha derekterdiń kóp mólsherin jınaıtyn ChatGPT-pen bólisetin de­rek­terdi shekteýdiń qanshalyqty ma­ńyzdy ekenin kór­se­tedi. Alpaýyt teh­no­logııalyq uıym Samsung munyń sy­­ryn kóp­tegen qıyndyqtan keıin tarazylaı al­dy. Chat-botty kómekshi retinde paı­dalanǵan bir top qyzmetker oǵan qupııa aqparatty abaısyzda taratyp jibergeni de anyqtaldy.

Al osyndaıda «ChatGPT sizdiń jeke ómirińizge qaýip tóndire me?» degen zańdy suraq týyndaıdy. Qaýipsizdik pen qupııalylyq bir nárse emes. Biraq olar bir-biri­men tyǵyz baılanysty ári jıi qa­rym-qatynasta. Eger ChatGPT áleý­mettik qaýipsizdikke zalaldy bolsa, onda ol jeke tulǵanyń ómirine de qaýip tóndiredi degen sóz.

ChatGPT óziniń aýqymdy de­rek­qo­ryn jasaý úshin biz kúndelik­ti turmysta paı­dalanyp júrgen ınternettegi mıl­lıardtaǵan aq­parat lezde joıylǵan. Bul de­rek­qor úzdiksiz keńeıý ústinde. О́ıt­keni ChatGPT paıdalanýshylar bó­lisetin kez kelgen aqparatty ózine tolyq saqtap alady. AQSh-ta ornalasqan kommersııa­­lyq emes Common Sense uıymy ChatGPT-ke ­61 paıyzdyq qupııalylyqty ba­ǵa­laý upa­ıyn berdi. Chat-bot jeke sáıkesten­diri­le­tin aqparatty jáne basqa da qupııa derekterdi jınaıtynyn atap ótti. Bul derekterdiń kópshiligi saqtalady nemese belgili bir úshinshi taraptarmen bólisiledi degen sóz.

Qysqasy, ChatGPT-ty paıda­laný kezinde abaı bolý kerek. Ási­rese, ony jumys úshin neme­se qupııa aqpa­rat­ty óńdeý úshin paı­dalansańyz, jeti ret ól­shep, bir ret kesken abzal. By­laı­­­­sha aıtqanda, siz kúndelikti tur­mys­ta kóp­shiliktiń bilgisi kel­meı­tin aqparattaryn atalǵan qurylǵymen bólispeýińiz kerek. Ýaqyt óte kele, chat-bottar izdeý júıeleriniń, dybystyq jazbalar men áleýmettik jelilerdiń ajyramas bóli­gine aınalady. Mine, osyndaı naqty kóz­qarasty Malwarebytes kıberqaýipsizdik qo­symshasy bildirdi. Tipti bul chat-bottar bolashaqta densaýlyq saq­taý men bilim berýden, qarjy men oıyn-saýyqqa deıingi ártúrli salalarda da ról atqaratyny aıtylyp júr.

Bul osyǵan deıin biz zerttep, zerdelegen qaýipsizdik sharalaryn túbe­geıli ózgertedi. Biraq Malwarebytes atap ót­kendeı, ChatGPT jáne oǵan uqsas qural­dar­dy kıberqaýipsizdik maman­da­ry da paıdalana alady eken. My­sa­ly, baǵ­darlamalyq quraldaǵy qatelerdi nemese jeli áreketindegi «kúdikti úlgilerdi» izdeý úshin bul taptyrmas tehnologııalyq ónim bolmaq. Osy jaǵdaılardy bilgen soń, atalǵan ónim týraly alýan túrli aqparatty oqyǵan soń, bizge ChatGPT 5 nemese 10 jyldan keıin ne isteı alady degen saýal týýy múmkin. О́kinishtisi, biz tek boljam jasaı alamyz. Biraq bir anyq nárse – jasandy ıntellektilerdiń eshqaıda ketpeıtini, onyń aramyzda, biz­diń kúndelikti tirshilikte ómir súretini.

Jańa ónim, jańa tehnologııa­lardyń jemisi atalatyn osyndaı chat-bottar ómi­rimizge aralasqan sa­ıyn, barlyq sala olar­dy retteý­ge jáne jaýapkershilikpen paı­­da­lanýdy úırenýge májbúr bo­la­dy. Buǵan jasandy ıntellekt qa­lyp­tastyryp jatqan kı­ber­qaýip­sizdik salasy da kiredi. Ja­san­dy ıntellektimen baılanys­ty qaýip­sizdik táýekelderi týraly saqtyqty kúsheıtý mańyzdy bolmaq. Qazir qoǵam arasynda ChatGPT-ti maqtap, onyń nasıhatyn jasap júrgender de, onyń paıdasynan góri zııany kóp ekenin ashyq aıtqandar da barshylyq. Jasandy ıntel­lektilerdiń chat-bottary minsiz emes, biraq olardan múldem aýlaq bolýdyń da qajeti shamaly.

Kelesi másele ChatGPT sizdiń jeke aqparatyńyzdy urlaı ma degenge saıady. ChatGPT týraly aldyńǵy qatardaǵy qaýipsizdik máseleleriniń kópshiligi boljam­dar men tekserilmegen esepterden týyndaıdy. Keıde jańa tehno­lo­gııalyq ónimderdi paıdalanýshylarda beıtanys quraldar­­dyń qupııalylyǵy men qaýipsizdigi tý­raly aǵat túsinikterdiń bo­lýy – ta­bıǵı jaǵdaı. Atalǵan platfor­many Microsoft jáne Ilon Mask sııaq­ty tehnologııalyq ınvestorlar qarjy­landyratyn bedeldi Jasandy ıntellekt zertteý zerthanasy OpenAI iske qosty. ChatGPT eń qysqa aqparatty suraıdy. Siz tek atyńyz ben elektrondyq poshta mekenjaıyńyz arqyly tirkele ala­syz. Degenmen OpenAI tek zertteý maqsa­tynda konvolardy baqylaı alady. Olar­dy úshinshi tulǵalarǵa taratý nemese satý onyń jeke paıdalaný sharttaryn buzady.

BBC-diń málimeti boıynsha, OpenAI ChaGPT-ke 300 mlrd aq­pa­rat jınap berdi. Ol áleýmettik medıa platformalary, bıznes veb-saıttary jáne túsi­nikteme bó­limderi sııaqty jalpyǵa qol­je­timdi veb-saıttardan derekterdi jınaıdy. Qajetsiz kezde ınternet­ten shyǵyp, derekterińizdi óshir­meseńiz, ChatGPT sizdiń aqpara­tyńyzdy alýy múmkin. ChatGPT qaýipti bolmasa da, plat­formanyń áli de qaýipsizdikke jol ashýy áb­den yqtımal. Alaıaqtar ártúrli kı­bershabýyldardy oryndaý úshin shekteýlerdi aınalyp óte alady.

Elektrondy hattardy jazýǵa birneshe saǵat jumsaýdyń ornyna, ınternet alaıaq­­tary ChatGPT-ti paıdalanady. Bul – jyldam ári ońaı tásil. Atalǵan qu­ryl­ǵy birneshe mınýt ishinde júzdegen úıle­­simdi, senimdi elektrondyq hat­tardy ja­saı alady. Sol úshin aqparatty jarııa etýden aýlaq bolyńyz. Zańdy kompanııalar men uıymdar kezdeısoq elektrondyq poshta arqyly qupııa kiltsóz su­raı­tynyn eskerińiz.

Tájirıbeli kıber-qyl­mys­kerler qazirdiń ózinde ChatGPT-ti óz is-áreket­terine paı­da­lana bastady. Olar atalǵan chat-botty urlanǵan derekterdiń aýqym­dy kólemine yńǵaılap, plat­for­ma­ny ınternet alaıaqtyǵy úshin jeke derekqorǵa aınaldyra alady eken. Kóptegen adam ChatGPT qoldanbasyn áli tolyq zert­tegen joq. Al hakerler jurtty sha­tas­tyratyn aqparattardy, elek­trondyq hattardy jáne habar­lan­dyrýlardy taratý arqyly óz maq­satyna jumys isteýi ábden múmkin.

Bárimiz de osy qoǵamnyń mú­she­simiz, sol úshin jańa tehno­logııa­lyq ónimderden esh ýaqytta bas tarta almaımyz. Biraq mundaǵy eń basty másele – saqtyq shara­lary. Sol úshin eger qajet bol­ǵan jaǵ­daıda ChatGPT-ti qaýip­siz jáne jaýap­kershilikpen paıda­la­nyńyz. ChatGPT ózdiginen qa­ýip tóndirmeıdi. Júıeniń osal­dyq­tary bar ekeni ras. Alaıda ol derek­­terińizge zııan keltirýi, kel­tir­meýi de múmkin. Jasandy ıntellekt tehnologııalarynan qorqa berýden góri, alaıaqtar olardy áleýmettik ınjenerııa taktıkasyna qalaı engizetinin zertteńiz. Osylaısha, siz ózińizdi qaýipterden qorǵaı alasyz.