«EcoJer» qaýymdastyǵynyń Mańǵystaý oblysy boıynsha óńirlik ekologııalyq keńesiniń múshesi Ádilbek Qozybaqov jasandy shyǵanaqtyń qurylýyna baılanysty teńiz jaǵalaýynda baldyrlar men shirikterdiń paıda bolý problemasyn kóterdi.
– Teńiz jaǵalaýynda jaǵymsyz ıis múńkip tur. Bul týrıstik salanyń damýyna teris áser etedi. Eger jaǵdaı qazir túzelmese, onda jazda ol sanıtarlyq-epıdemıologııalyq sıpatqa ıe bola alady. О́ıtkeni bul jer jergilikti turǵyndar arasynda óte tanymal, – dedi ol.
Á.Qozybaqov saýda jáne týrızm salalyq keńesiniń múshelerine, jergilikti atqarýshy organdardyń ókilderine Qarakól mártebesin jergilikti mártebege ózgertý týraly usynyspen júgindi. Onyń pikirinshe, bul sýly-batpaqty jerlerde ekologııalyq týrızmdi damytý úshin qarajat tartýdy jeńildetedi.
Týrızm salasyndaǵy memlekettik qoldaý sharalaryna qatysty kásipker Q.Iztileýova Mańǵystaý oblysynyń týrızm basqarmasy kásipkerlik sýbektileriniń jol boıyndaǵy servıs salý boıynsha shyǵyndarynyń bir bóligin óteýden bas tartý máselesin kóterdi. О́z kezeginde Mańǵystaý oblysy týrızm basqarmasynyń týrızmdi ilgeriletý jáne damytý bóliminiń basshysy G.Jarıeva týrızm salasyn memlekettik qoldaý qaǵıdalaryna engiziletin ózgeristerge baılanysty bul bas tartýǵa túsinikteme berdi. Sondaı-aq týrızm basqarmasynyń saıtynda memlekettik qoldaýdyń iske asyrylyp jatqan sharalary, talap etiletin qujattama, sondaı-aq ótinim berý tetikteri týraly aqparat alýǵa bolatynyn habarlady.
Kásipkerler palatasynda óńirdegi týrızm salasyn damytýǵa keri áserin tıgizedi degen nemese sheshimin tappaı júrgen máseleler talqylandy. Aýqymdy ister shaǵyn máselelerdi sheshýden bastalatyny belgili.
Mańǵystaý oblysy
