Aımaqtar • 05 Mamyr, 2023

ShQO-da soǵys ardagerleri 1,5 mıllıon teńgeden aldy

430 ret

kórsetildi

1 mın

oqý úshin

Shyǵys Qazaqstan oblysynda Jeńis kúnine oraı Uly Otan soǵysynyń ardagerlerine 1,5 mıllıon teńge kóleminde birjolǵy materıaldyq kómek berildi. Bul týraly О́ńirlik kommýnıkasııalar qyzmeti alańynda ótken baspasóz konferensııasynda ShQO jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Doshan Qaırǵazınov aıtty, dep habarlaıdy Egemen.kz.

Marjan TILEÝBEK

ShQO-da soǵys ardagerleri 1,5 mıllıon teńgeden aldy

Doshan Qaırǵazınovtyń aıtýynsha, Jeńis kúnine oraı oblystaǵy 17 Uly Otan soǵysynyń ardageri birjolǵy materıaldyq kómek retinde bir jarym mıllıon teńgeden alǵan. Sondaı-aq Uly Otan soǵysyna qatysýshylar men múgedekterge teńestirilgen adamdarǵa 100 myń teńgeden berilgen.

Sonymen qatar Uly Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalǵan oblys turǵyndary da 100 myń teńgege ıe boldy. О́ńirde bul sanattaǵy 113 adam bar. Al nagradtalmaǵan 5601 adamǵa mereke qurmetine 50 myń teńgeden tólendi.

Doshan Qaırǵazınovtyń aıtýynsha, merekege oraı bıýdjetten tólenetin tólemderdiń jalpy somasy 530 mıllıon teńgeden asady.