Aqyldy oqýshylar alamany

Eldik mereıimizdi asyrǵan ta­ǵy bir ıgilikti shara elordada kóri­nis tapty. Ol fızıka páninen oqý­shy­lardyń 45-shi Halyqaralyq olım­pıadasy edi. Astanamyzdyń aı­bynyn asyrǵan Beıbitshilik jáne kelisim saraıynda tusaýy ke­sil­gen aqyldylardyń bilim saıy­syn Bilim jáne ǵylym mınıstri Aslan Sárinjipov ashyp, 88 mem­le­­ket­ten kelgen 1000-ǵa tarta adam­­ǵa elimizdiń oqý júıesindegi stra­­­tegııalyq maqsat, mindetterdi ta­nystyrdy. Ulttyq modeldiń ba­sym baǵyty – zııatkerlik elıta­ny qalyptastyrý ekenin tilge tıek etti. Prezıdent Nursultan Na­zar­­baevtyń salaǵa jasap jatqan erek­she qamqorlyǵyn tarata aıtyp, da­ryn­dy oqýshylarymyzdyń álem­dik bilim saıysynda top jaryp júr­ge­nin, oǵan osynyń aldynda Sın­ga­pýr­da bolǵan olımpıadada úsh bir­deı altyndy qanjyǵaǵa baı­laǵa­ny­myzdy dáıekke keltirdi. Ol budan keıin, tórtkúl dúnıeden bilim báıgesine kelgen 700 oqýshyǵa sát sapar tiledi. Sol sekildi, fızıka páni (IRhO) boıynsha Halyqaralyq olımpıada prezıdenti Hans Iordans sóz alyp, Qazaq eliniń kórkeıgen Astanasy ózin de, ózgelerdi de tánti etkenin atap ótti. Olımpıadaǵa dúnıe júzinen kelgen oqýshylar osyndaı jas qalany qaı ýaqytta da esterinde ustap, iltıpat kórsetetinin qadap aıtqan ol, mundaı bilim saıysy barlyq jerde bola bermeıtinin de nazarǵa saldy. Álemdik deńgeıde ótip júrgen bilim báıgesinde qazaq­stan­­dyq oqýshylardyń árkez top jarýy da bul ıgilikti iske septigin tı­­giz­­genine dáıekter keltirdi. Shy­nyn­­da, «Daryn» respýblıkalyq ǵy­­ly­­mı-praktıkalyq ortalyǵynyń de­­rek­t­erine qarasańyz Otanymyz­dyń myńnan tulpar shyqqan ta­lant­tary ótken jyly oqýshy­lar­d­yń halyq­aralyq olımpıadalar men ǵylymı jobalar konkýrsynda 967 júldeni ıemdenipti. Onyń 188-i altyn, 298-i kúmis, 463-i qola medal eken. Olımpıadanyń saltanatty ashylýy úsh tilde – qazaq, orys, aǵyl­shyn tilderinde ótip, ulttyq úlgi­mizdiń nebir jaýharlary sahna tóri­nen oryn aldy. Shashý sha­shyl­ǵanda tústeri bólek bolǵan­men, tilek­teri bir oqýshylar erekshe il­tı­pat tanytty. Ulttyq salt-dás­túrimizge, kıim úlgilerine, ánshi Ar­daq Balajanova «Paı-Paı» etno-folklorlyq ansambline qo­sy­lyp «Qara jorǵa» ánin shyr­qa­ǵanda júzderi bal-bul janyp, tas­paǵa, sýretke túsirip jatty. Keı­bi­reýlerimen tildeskenimizde: «Ulttyq jaýharlaryńyz qandaı keremet, qarap otyrǵanda ertegiler elinde júrgendeı kúı keshedi eken­siń», dedi tańdanystaryn bil­dirip. Bul bilim báıgesine Qazaq eli bes ulanyn úkilep qosyp otyr­ǵa­nyn aıta ketelik. Alty kún ishinde aqyldy oqýshylardyń bilimi anyq­talyp, júzden júırikterdi mara­pattaý 20 shildede bolady. Súleımen MÁMET, «Egemen Qazaqstan».