Ozyp shyqqanǵa óris keń

Elordadaǵy Ortalyq kommýnıkasııalar qyzmetinde uıymdastyrylǵan brıfıng fızıka páninen 45-shi halyqaralyq olımpıadany (IPHO-2014) ótkizý barysyna arnaldy. Keshe fızıka páni boıyn­sha 45-shi halyqaralyq olımpıa­danyń resmı ashylýynan soń Or­talyq kommýnıkasııalar qyzme­tinde Bilim jáne ǵylym mınıs­tri­niń qatysýymen kishigi­rim jıyn ótkizildi. Onda olımpıadaǵa elimizdiń atynan kimder qatysatyny, jeńimpaz atansa qandaı jeńildikterge ıe bolatyny, sondaı-aq, halyqaralyq olımpıadany ótkizýdegi maqsat jaıynda birqatar málimetter berildi. Mınıstrdiń aıtýynsha, elordadaǵy Nazarbaev Ýnıversıtetinde 13-21 shilde aralyǵynda ótkiziletin bilim saıysyna álemniń 85 elinen 700 qatysýshy kelip otyr. «Olımpıadaǵa ulttyq fızıkalyq olımpıadalardyń  jeńimpazdary, onyń ishinde mektep bitirýshiler men joǵary synyptardyń oqýshylary qatysa alady. Qatysýshy elderdiń komanda quramynyń sany kvotamen anyqtalady. Mysaly bizdiń elimizden bul aıtýly saıysqa bes oqýshy qatysady. Olardyń barlyǵy da fızıka páni boıynsha túrli olımpıadalardan joǵary deńgeı kórsetkender. Eger de olar olımpıadadan jeńimpaz atanar bolsa, elimizdegi joǵary oqý oryndaryna UBT tapsyrmaı qabyldana alady. Sondaı-aq, Nazarbaev Ýnıversıtetine de emtıhansyz qabyldanady. Biraq, aǵylshyn tilin biletini týraly qujat qajet bolady», dedi mınıstr A.Sárinjipov. Brıfıng barysynda halyqaralyq olımpıadaǵa elimizdiń osymen on jetinshi ret qatysyp otyrǵany, osy jyldar ishinde 45 medal ıelengeni, onyń 8-i altyn, 20-sy kúmis jáne 17-si qola ekeni aıtyldy. Al, baq synaýǵa kelgen 85 memlekettiń ishinde kim myqty degen saýalǵa Japonııa men Qytaıdyń komandalary myqty degen jaýap berildi. Sondaı-aq, bizdiń komandanyń eń úzdik degen ondyqqa ilinbese de, eń myqty 20 komandanyń arasynan tabylyp, júldeli oryndarǵa talasatyny  da mınıstrdiń aýzymen baıandaldy. Bilim jáne ǵylym mınıstri qazirgi ýaqytta ǵylymdy qoldaý jáne qarjylandyrý  baǵytyndaǵy jaǵdaı 90-shy jyldarǵa qaraǵanda túbegeıli ózgergenin, búginde Ǵylym týraly zań engizilip, onyń aıasynda qarjylandyrý ulǵaıyp otyrǵanyn málimdedi. Atap aıtqanda, bazalyq, granttyq jáne maqsattyq qarjylandyrý sheńberinde jyl saıyn quıylatyn qarajattyń sany artyp, byltyr salaǵa 10 mlrd. teńge bólingen. Onyń aıtýynsha, aǵymdaǵy jyly qazaqstandyq ǵalymdardyń 2000-nan astam halyqaralyq ǵylymı jarııalanymdary jaryqqa shyǵady dep josparlanýda. Bul ótken jylmen salystyrǵanda, 10-20 paıyzǵa joǵary. Sondaı-aq, elimiz oqýshylardyń ǵylymı-zertteý jumystaryna qyzyǵýshylyǵyn arttyrý, daryndy balalardy qoldaý úshin ǵylym men bilimdi nasıhattaý barysynda túrli olımpıadalarǵa da basym túrde mańyz beredi. Bıyl el ordasy Astanada ótkizilip otyrǵan Halyqaralyq olımpıada sonyń nátıjesi. Aıta keteıik, fızıka páni boıynsha ótkiziletin osynaý halyqaralyq bilim saıysynda elimizdiń atynan shyǵatyn komandada Respýblıkalyq pán olımpıadasynyń, Halyqaralyq Jáýtikov olımpıadasynyń, son­daı-aq, basqa da halyqaralyq olım­pıa­dalardyń altyn, kúmis, qola medaldaryna ıe bolǵan bes oqýshy bar. Olar – Ámir Birálın, Danat Isa, Dinmuhammed Nurbek, Nurıslam Tursynbek jáne Dáýlet Qurmantaev esimdi elimizdiń túrli óńirlerinen jınalǵan bilimi asqan órender. Aıgúl SEIILOVA, «Egemen Qazaqstan».