«Qazirgi kezde Ulttyq qaýipsizdik komıtetinde 11 qyzmetker qylmystyq jaýapkershilikke tartylyp jatyr. Keıbir ister boıynsha tergeý aıaqtaldy, kináliler qylmystyq jaýapkershilikke tartyldy. Bul (qańtar oqıǵasy boıynsha) qylmystyq qýdalaýǵa baılanysty», dedi Marat Qalqabaev.
Sondaı-aq ol laýazymdy tulǵalardyń jaýapkershiligi kúsheıtiletinin aıtty.
«Sonymen qatar qańtar oqıǵasynan keıin birden Ulttyq qaýipsizdik komıteti aýqymdy qyzmettik tekseris júrgizdi. Osy oraıda buıryq talaptary men qyzmetti atqarý tártibine, onyń ishinde laýazymdy tulǵalardyń jaýapkershiligine qatysty eleýli ózgerister engizildi. Munymen qosa, búgin talqylanyp jatqan zań jobasynda ár qyzmetker is-áreketiniń belgili bir algorıtmi men patrıotızmdi tárbıeleýge baǵyttalǵan tıisti túzetýler kózdelgen», dedi UQK ókili.
