Shyǵys Qazaqstan oblystyq polısııa departamentiniń baspasóz qyzmetiniń habarlaýynsha, bul jol apaty 2023 jylǵy 20 mamyrda saǵat 03:10 shamasynda Gagarın býlvarynda 32-úıdiń janynda bolǵan.
Subaru Forester kóligin aıdap kele jatqan 35 jastaǵy júrgizýshi kóliktiń rólinde uıyqtap qalyp, joldan shyǵyp ketken, sodan keıin úıdiń kireberisine baryp soǵylǵan.
Zardap shekkender joq.
Subaru Forester markaly kóliktiń júrgizýshisine qatysty QR Ákimshilik quqyq buzýshylyq týraly kodekstiń 610-babynyń 1-bóligi boıynsha ákimshilik hattama toltyrylǵan.
«Kólik quraldarynyń, júkterdiń, joldardyń, jol jáne ózge de qurylystardyń nemese ózge de múliktiń zaqymdanýyna, materıaldyq zalal keltirýine ákep soǵatyn jol júrý erejesin buzǵan jaǵdaıda 20 aılyq eseptik kórsetkish mólsherinde aıyppul salynady nemese kólik quralyn basqarý quqyǵynan 6 aıǵa deıin aıyrylady», delingen ShQO polısııa departamentiniń baspasóz qyzmetiniń jazbasynda.
