«Qazgıdromet» RMK usynǵan málimet boıynsha, respýblıkanyń basym bóliginde atmosferalyq frontaldy ýchaskelerdiń ótýine baılanysty turaqsyz aýa raıy saqtalady. Almaty oblysynyń ońtústiginde jáne taýly aımaqtarynda naızaǵaı oınap, jańbyr, burshaq jaýýy múmkin.
Respýblıka boıynsha jel kúsheıedi, batysta jáne ońtústikte shańdy daýyl turady.
«Pavlodar oblysynyń basym bóliginde, Qaraǵandy oblysynyń shyǵysynda, Atyraý oblysynyń ońtústiginde, Abaı oblysynyń Besqaraǵaı aýdanynda tótenshe órt qaýpi saqtalady», delingen habarlamada.
Astanada – kóshpeli bult shyǵady, kúndiz azdap jańbyr jaýady. Soltústik-shyǵystan soǵatyn jel túnde 2-7 m/s, kúndiz 7-12 m/s bolady. Aýa temperatýrasy túnde +8+10°S, kúndiz +23+25°S.
Almatyda – kóshpeli bult shyǵady, kúndiz keı jerlerde jańbyr jaýady, naızaǵaı oınaıdy. Soltústik-shyǵystan 3-8 m/s jel soǵady. Aýa temperatýrasy túnde +12+14°S, kúndiz +21+23°S.
Shymkentte – kóshpeli bult shyǵady, kúndiz ótkinshi jańbyr jaýady, naızaǵaı oınaıdy. Shyǵystan soǵatyn jeldiń kúshi 8-13, kúndiz ekpini 15-20 m/s. Aýa temperatýrasy túnde +14+16°S, kúndiz +27+29°S.
