21 mamyrda 38 jasqa tolǵan Marktiń júrip ótken joly jarqyn jeńisterge toly. Ol sprıntte óte myqty. Kezinde básekeniń osy túrinde ulybrıtanııalyq sańlaqpen teńese alatyndar kemde-kem edi. 2005, 2008 jáne 2016 jyldary Kavendısh trektegi medısonnan úsh dúrkin álem chempıony atanyp, tas jolda bir altyn men bir kúmis medal oljalady. 2016 jyly Rıo Olımpıadasynda tek ıtalııalyq Elıa Vıvıanıden ǵana qalyp qoıyp, ekinshi oryndy ıelendi. Túrli jarystarda Ulybrıtanııanyń veloshabandozy 161 márte jeńis toıyn toılady. Eń áıgili «Týr de Frans» kópkúndiginiń 34 kezeńinde top jardy. Osy kórsetkish jaǵynan ol ótken ǵasyrdyń 60-70-jyldary atoı salǵan Belgııanyń betkeustary Eddı Merkspen teńesti. Qazirgi kezde rekordtyq kórsetkish dál osy eki sportshyǵa tıesili. Sondaı-aq Mark «Djıro d’Italııanyń» 16, «Výeltanyń» úsh kezeńinde aldyna jan salmady.
Ár jyldary AQSh-tyń «T-Mobile-Team», Ulybrıtanııanyń «Sky Procycling», Belgııanyń «Quick-Step Alpha Vinyl», OAR-dyń «Qhubeka Assos» jáne Bahreınniń «Bahrain Victorious» klýbtary sapynda óner kórsetken Mark Kavendısh bıyl «Astananyń» jeıdesin kıgen edi.
