Úkimet otyrysynan keıin kýlýarda jýrnalıster «Sońǵy qońyraý 25 mamyrǵa qaıtaryla ma?» degen suraq qoıdy.
«Birinshiden, bul másele boıynsha mamandar sheshim qabyldaýy kerek. О́ıtkeni bul (sońǵy qońyraýdy) tek 25 mamyrǵa aıyrbastaı salý emes. Bul naqty memlekettik standarttyń, baǵdarlamanyń 36 aptaǵa sozylýyna qatysty. Sońǵy qońyraýdy qalpyna keltirý basqa ózgeristerge alyp keledi, ıaǵnı 6 kúndik oqý josparyna aýysý nemese pándegi oqý saǵattarynyń qysqarýy bolýy múmkin. Bul jaı ǵana qaıtara salatyn dúnıe emes. Bilim salasynda jiti, durys saraptama ótkizip, sheshim qabyldaý kerek», dep jaýap berdi mınıstr.
Sondaı-aq Ǵanı Beısembaev mektepterde túrli sebeppen qarajat jınaý máselesine qatysty pikir bildirdi.
