О́ńirde órt qaýiptiligi kelesi sanattarǵa jiktelgen:
1 sanat: Marqakól,
3 sanat: О́skemen q.,
4 sanat: Rıdder q., Altaı aýdany, Úlken Naryn, Kúrshim, Katonqaraǵaı aýdandary
5 sanat: Samar aýdany.
Bastapqy kezeńde janýdy jedel baqylaý úshin ShQO TJD qyzmetkerleri kosmomonıtorıngti paıdalanady.
«Búgingi tańda ǵaryshtyq tehnologııalardyń kómegimen 227 sýret túsirildi, 73 jylý núktesi tirkelip, olar jedel pysyqtaldy. Olardyń negizgi paıyzy azamattardyń abaısyzda otpen jumys jasaýynan jáne qarapaıym qaýipsizdik sharalaryn buzýyna baılanysty týyndaǵan», dep atap ótti ShQO TJD Memlekettik órt baqylaý basqarmasy bastyǵynyń mindetin ýaqytsha atqarýshy Nurjan О́mirjanov.
ShQO TJD halyqqa mynany eskertedi:
Aýdandardaǵy órtterdiń qaýipsizdigi men aldyn alý maqsatynda azamattardyń orman aımaǵyna barýyn shekteý.
Bul kezeńde esh jaǵdaıda shópti órteýge, ormanda ot jaǵýǵa bolmaıdy. Balalarǵa ot pen sirińkemen oınaýdyń qaýiptiligi týraly barynsha túsindirý. Jol boıynda kele jatqan kezde kólikterdiń terezelerinen sóndirilmegen temeki tuqyldaryn laqtyrýǵa jol bermeńiz.
Saıajaı ýchaskelerinde:
- Alǵashqy órt sóndirý quraldarynyń bolýy shart: sý quıylǵan bóshke nemese órt sóndirgish;
- Úılerdiń janyndaǵy saıajaılardyń aýmaǵyn jınaý kezinde ot jaǵýǵa qatań tyıym salynady. Ruqsatsyz ot qoıý, byltyrǵy qaldyq shópterdi baqylaýsyz órtegeni jáne órt qaýipsizdigi erejelerin saqtamaǵany úshin Qazaqstan Respýblıkasynyń Ákimshilik quqyq buzýshylyq týraly Kodeksiniń 336, 410-baptary boıynsha ákimshilik jaýapkershilik kózdelgenin. Profılaktıkalyq reıdterdiń nátıjesinde oblysta qurylǵan mobıldi top 31 quqyq buzýshyny anyqtap, ákimshilik jaýapkershilikke tartqan.
О́rtti baıqaǵan bolsańyz dereý «101» jáne «112» telefondary arqyly habarlaý qajet.
