Energetıka salasynda elimizdiń róli joǵary

Kanadanyń úsh provınsııasynyń, AQSh-tyń on eki shtatynyń jáne Venesýelanyń zań shyǵarý­shy ókilderin biriktiretin Ener­getıkalyq keńestiń shaqyrýymen Qazaqstan Respýblıkasynyń Kanadadaǵy Tótenshe jáne óki­letti elshisi Konstantın Jıgalov «Energetıka jáne qorshaǵan orta salasyndaǵy úrdister» degen taqyryppen  Kanadanyń Sas­kachevan provınsııasynda ótken konferensııaǵa qatysty. Energetıkalyq keńestiń negiz­gi maqsaty – ózekti energetıka máseleleri boıynsha aldyńǵy qatarly tájirıbelermen almasý. Keńes, sonymen qatar, ja­ńa zerttemeler daıyndaıtyn jáne energetıkalyq naryqtaǵy úr­distermen aınalysatyn osy sektor kompanııalarymen, akade­mııa­lyq orta jáne ýnıversıtettermen tyǵyz baılanys ornatqan. Energetıkalyq keńestiń tór­aǵa­sy, Tehas shtaty Qaýym­dar pa­­la­tasynyń depýtaty Ýeın Smıt ash­qan is-sharaǵa Sas­ka­che­­van pro­vınsııasynyń Saý­da, ın­­­no­­vasııalar jáne týrızm mı­­nıstri Djeremı Harrıson, Red­­jaına qalasynyń basshysy Maıkl Fýdjer, Alberta, Sas­ka­che­van provınsııalary men atal­ǵan amerıkalyq shtattardyń zań shy­­­ǵarýshy jınalystarynyń mú­she­­leri, birqatar zertteý orta­lyq­­­­tary men Soltústik Amerıka kom­­­­­pa­nııalarynyń basshylary (so­­nyń ishinde álemdegi eń iri ýran ón­­­diretin «Cameco Cor­po­ra­tion» men «Enbridge Energy», «Ex­xonMobil», «Westport» sııaq­ty mu­n­a­ı-gaz kompanııalary jáne t.b.) qa­­­tys­ty. Saskachevan Zań shyǵa­rý­­­shy jı­nalysynyń spıkeri Den D’Ot­re­mon men provınsııanyń ge­­ne­ral-leıtenanty Vogn Skol­fıld hanym konferensııaǵa qa­ty­­­sý­­shylarǵa jyly lebizderin bildirdi. K.Jıgalov Qazaqstannyń áleý­­­mettik jáne ekonomıkalyq je­tis­tikteri, «Qazaqstan-2050» Stra­­­tegııasynyń basymdyqtary, Indýstrııalyq-ınnovasııalyq damý memlekettik baǵdarlamasy ekin­shi kezeńiniń júzege asyryla bastaýy, elimizdegi ınves­tı­sııa­lyq ahýaldy jaqsartý boıyn­sha qabyldanǵan jańa sharalar paketi, elimizdiń munaı jáne gaz sektoryn damytýdyń negizgi baǵyttary, qazaqstandyq-kanadalyq yntymaq­tastyq, sonyń ishinde ýran sala­syndaǵy ózara árekettesý, Astana­da ótetin EKSPO-2017 halyq­ara­lyq kórmesine daıyndyq máse­leleri týraly aıtyp berdi. Konferensııa sheńberinde K.Jıgalov, sonymen qatar, Ener­­getıkalyq keńes atqarýshy ko­mıtetiniń múshelerimen kez­des­­ti. Interaktıvti únqatysý pishi­ninde ótken kezdesýde Kanada pro­vınsııalarynyń depýtattary men Amerıka shtattarynyń sena­torlary Qazaqstannyń ener­getıka­lyq naryqtaǵy róli óse túsip otyrǵanyn atap ótip, ınvestorlar úshin jańa preferensııalar paketin engizý boıynsha qazaqstandyq taraptyń bastamalaryn, sonyń ishinde el ekonomıkasyna eń iri ınvestorlar úshin vızalyq rejimdi jeńildetý boıynsha qabyldanǵan sheshimderdi joǵary baǵalady. Konferensııa nátıjesin­de Energetıkalyq keńes pen Qazaqstan arasyndaǵy únqaty­sýdy, sonyń ishinde Kanada men AQSh-ta ótkiziletin is-sharalar sheńberinde jalǵastyrý týraly ýaǵdalastyqqa qol jetkizildi. «Egemen-aqparat».