Qazaqstanda 125 myńnan astam adam qýǵynǵa ushyrap, 25 myń adam atý jazasyna kesildi. Jazyqsyz jazalanǵandardyń qatarynda Á. Bókeıhan, A. Baıtursynuly, M. Tynyshbaev, M. Dýlatuly, T. Rysqulov, M. Jumabaev, S. Seıfýllın, I. Jansúgirov, B. Maılın, S. Asfendııarov syndy qaıratkerler men ult zııalylary bar. Saıası qurbandar lagerlerge jiberilip otyrdy. Qýǵyn-súrginge ushyraǵan azamattardyń áıelderi de Aqmola oblysynda ornalasqan «ALJIR» lagerinde azaptaldy.
1993 jyly «Jappaı qýǵyn-súrgin qurbandaryn aqtaý» týraly zań qabyldanǵan bolatyn. Sonyń nátıjesinde jazyqsyz jala jabylǵandar aqtaldy.
Aqtaý sharalary áli de jalǵasyp keledi.
Prezıdent Qasym-Jomart Toqaev úndeýinde: «Biz jazyqsyz jazalanǵandardyń árqaısysyn este saqtaý arqyly ǵana kemel keleshekke jol ashamyz», degen bolatyn.
