Májilis depýtaty ekologııalyq ahýalǵa alańdaýshylyq bildirip, másele qozǵady. Depýtattyń bul urpaqtyń úlesin saqtaý úshin dep dabyl qaǵýy da oryndy. О́ıtkeni álem boıynsha Qazaqstan ekologııalyq ahýal jóninen 180 eldiń ishinde 93-orynda. Bul elimizde máseleniń bar ekeniniń dáleli.
«О́zińiz biletindeı elimizdegi ózender men kólderdiń sý deńgeıi sońǵy jyldary kúrt tómendep jatyr. Al osylardyń sebebin anyqtap, aldyn alý árketterin jasap jatqan jaýapty organdardy óz basym áli kórgen joqpyn. Sózime dálel bolatyn kórsetkishter Ekologııa jáne tabıǵı resýrstar mınıstrliginde tolyqtaı bar», dedi Rınat Zaıytov.
Májilis depýtaty keltirgen derekterde sý deńgeıiniń edáýir tómendegeni aıqyn kórsetilgen. Depýtattyq saýalynda jergilikti halyqtyń máselesin jetkizip, olardyń janaıqaıyna qulaq túretin adam kerek dedi. Sondaı-aq arnaıy komıssııa qurýdy usyndy.
«Al osy másele boıynsha jergilikti halyqtyń alańdap shyqqan ashy daýysyn estip jatqan eshkim joq pa? Tilge tıek etetin bolsam ShQO Maraldy aýdany mańynan birneshe talaptardy óreskel buzyp, jumys júrgizgeli jatqan altyn óndirýshi fabrıkalardy salýǵa jergilikti halyqtyń qarsylyǵyn nege estimeımiz. Abaı oblysyndaǵy Aıagóz ózeniniń sý deńgeıi 2019-2021 jyldar arasyndaǵy joǵary kórsetkishi Baltyq júıesi boıynsha 550 sm-den 162 sm-ge deıin tómendeýine ne sebep? Buǵan da jaýap bere alatyndaryńyzǵa kúmánim bar. О́ıtkeni Aıagóz aýdanynda ekolog mamany da joq. Arnaıy komıssııa qurýdy jáne komıssııa jumysyna barynsha kómek kórsetýdi suraımyn», dedi Májilis depýtaty Rınat Zaıytov.
