Alǵash bolyp daıangqa shyqqan Nurlan Myrzabaev (80 kg) ırlandııalyq Raıan Doıldy aıqyn basymdyqpen utqan. Alaıda 2-aınalymda asa tartysty aıqasta Mateı Nıkolıchke 1:2 esebimen ese jiberdi. Mateı osymen 2-ret qazaqstandyq taekvondoshydan basym túsip otyr. Horvatııalyq 2019 jyly Bekjan Nusnálimmen kezdesip, aılasyn asyrǵan.
Búgin Ulttyq qurama qorjynyna júlde salatyn jaqsy múmkindik Botakóz Qapanovada boldy. Otandasymyz (49) alǵashqy jekpe-jeginde rýmynııalyq Nıkoleta Klaýdııa Badjandy, sosyn kanadalyq Vıvıan Trankvıl men jarys qojaıyny Fatıma Abakarovany aıqyn basymdyqpen utty. О́kinishke qaraı, shırek fınalda qazirgi Eýropa chempıony túrkııalyq Merve Dınchelge jol berip, júldege synyq súıem qalǵanda súrindi.
Al Smaıyl Dúısebaı Bakýdegi grekııalyq Vasılıýs Toloıtıstyń aldyn oraǵanymen, kelesi kezeńde Artıom Plonıstiń (Belarýs) myqty ekenin moıyndady.
«Men úshin chempıonat 3-aınalymda aıaqtaldy. Basynda Belarýs sportshysyn jeńip jatqanmyn. Sońǵy sekýndtarda ol esepti teńestirip, basymdyqqa ıe boldy. Jalpy daıyndyǵym jaqsy boldy. Tek bapkerlerdiń aıtqanyn sońyna deıin oryndaı alǵan joqpyn», dedi Smaıyl jekpe-jekten keıingi suhbatynda.
Erteń, jazdyń alǵashqy kúni álem chempıonatynda Nurbek Ǵazez (63 kg) ben Rakonı Bımyrza (+73 kg) baq synaıdy. Jalpy bıylǵy dodaǵa 145 elden myńǵa tarta taekvondoshy jınaldy. Aıta keteıik, Bakýde ótip jatqan jarys taekvondodan XXVI álem chempıonaty. Bıylǵy doda Halyqaralyq taekvondo federasıasynyń 50 jyldyǵymen tuspa-tus kelip tur. Aldaǵy aptada munda Parıj Olımpıadasyna qajet upaılar sarapqa salynady. Bul sportta reıtıngi eń joǵary báseke – Olımpııa oıyndary (G20). Odan keıin álem chempıonaty (G14), Gran-prıdiń fınaly (G10) men Gran-prı sanatyndaǵy jarystar (G6) tur. Álem chempıony 140 ball alsa, kúmis júlde úshin 84, qolaǵa 50 upaı beriledi.
