Toqsandaǵy qarııanyń bılikke bazynasy

Aqsaqal jýyrda «Egemen Qazaqstan» gaze­tiniń aımaqtaǵy tilshiler qosynyna arnaıy izdep kelipti. Qolynda Prezıdent Qasym-Jo­mart Toqaevqa jazǵan hatynyń kóshirmesi bar. О́rken aqsaqal aldymen Memleket basshysy Qasym-Jomart Toqaevtyń kúni keshe eldiń áleýmettik-ekonomıkalyq máseleleri jónin­degi keńeıtilgen keńeste aıtqan sózin esimizge saldy. «Prezıdenttiń atyna jazylǵan aryz-shaǵymnyń sany úsh jylda 2 ese ósipti. Muny Qasym-Jomart Kemeluly aıtty, tyńdaǵan bolarsyńdar. Jańa jyldan beri Prezıdent Ákimshiliginiń qoǵamdyq qabyldaýynda bolǵan 811 adamnyń 730-yn kesteden tys, ıaǵnı taban astynda jedel túrde Prezıdenttiń ózi qabyl­daýyna týra kelgen. Qoǵamdyq qabyldaýǵa kelgen­derdiń arasynda barlyq aımaqtyń turǵyn­dary bar eken. Men myna hatta jazylǵan másele­lerdi qala ákimine kirip aıtqanmyn. Nátıje joq. Bul máselelerdi sheshýge jergilikti ákimderdiń shamasy kelmeıdi-aý, sirá? Biraq qolymnan kelmeıdi, shamam jetpeıdi dep nege ashyq aıtpasqa? Naqty nátıje, tushymdy jaýap bolmaǵan soń Prezıdentke hat joldadym», dep О́rken Ábdiraıymuly hatyn bizge usyndy. Qarııanyń ruqsatymen naýryzdyń ortasynda jazǵan hatyn biz de oqyǵan edik.

«Men, Ábdireev О́rken Ábdi­raıym­uly 88 jas­ta­myn. Tyl já­ne eńbek ardagerimin, mekeme­ler­di basqardym. Jetistikterim úshin Eńbek Qyzyl Tý ordenimen, 12 me­dalmen mara­pat­talǵanmyn. Otbasymda 4 ul, 3 qyz, 15 nemere men 2 shóbereniń atasymyn. Qazirgi tańda jasym 90-ǵa jýyqtasa da 105 páterli kópqabatty turǵyn úıdiń úı basqarýshysymyn», dep bastapty Prezıdentke joldaǵan hatyn О́rken qarııa. Ári qaraı kókeıinde júrgen birneshe máseleni kótergen qarııa Prezıdentten baqylaýǵa alyp, sheshilýine yqpal etýin su­raı­dy. «Shyraıly Shym­qala­myz­da Asanbaı Asqarov aǵamyz sal­­dy­r­­ǵan «Fosforshylar» máde­nıet saraıy qazir qaraý­syz qa­­lyp, qırap, ishi qoqys­qa tolyp, mas­kúnemder men buzaqy­lar­dyń «or­dasyna» aınaldy. Aına­­lasyn­daǵy saıabaq aýmaǵy ja­ryq­­syz, qa­raýsyz qoqysqa toly... Osy má­de­nıet saraıyn qala óziniń ba­lan­sy­na alyp, qalpyna kel­tirip, kó­rik­tendirip, demalys aıma­ǵyn salyp, ataýyn «О́zbekáli Jáni­be­kov atyndaǵy jastar saraıy» dep qaıtadan ashsa degen armanym bar».

Sondaı-aq qarııa Prezıdentke joldaǵan hatynda elimizdiń saıası, ekonomıkalyq, mádenı damýyna basshylyq jasaǵan jyldary qazaq memleketiniń aýmaq tutastyǵynyń saqtalýyna kóp eńbek sińirgen Jumabek Táshenovtiń aty Shym­kentte shaǵyn kóshege berilip, kishigirim eskertkish qoıylǵanyn, famılııasy kóp jerlerde durys jazylmaǵanyn aıtady. «Shym­kenttegi temirjol vokzalynyń aldyndaǵy júrmeıtin saǵatty alyp tastap, ornyna J.Tashenovtiń úlken eskertkishin qoıý kerek, ol qalaǵa qosym­sha kórik berer edi», deıdi О́rken qarııa hatynda. Aqsaqaldyń memleket qaıratkeri, etnograf О́zbekáli Jánibekovke qoıylǵan eskertkishke de kóńili tolmaıdy. «О́zbekáli Jánibekovtiń 90 jyldyǵyna oraı Shymkenttegi ortalyq saıabaqqa eskertkish qoıyl­­ǵan. Esimi jerdegi juqa tu­ǵyr­ǵa jazylǵan, ony eshkim kór­meıdi. Eskertkishtiń qoıylǵan jeri­ne kóńil tolmaıdy, halyq kóp júretin jerge qoıylsa degen usy­nys bar», deıdi О́rken Ábdi­reev. Memlekettik tilge jana­shyr­lyq tanytyp júrgen qarııa Tóle, Qazybek, Áıteke bılerdiń esimderi kóshelerdiń boıynda ártúrli jazylyp júrgenin de aıtady.

Jergilikti ákimdiktiń keı má­seleni sheshýde qaýqarsyzdyq tanytatynyna qynjylysyn bildir­gen qarııa Prezıdentten jaýap keletinine senimdi ekenin aıtty. «Keshegi sózinde Memleket basshysy «Halyq únine qulaq asatyn memleket» bolý úshin azamattarmen tyǵyz qarym-qatynas ornatý aıryqsha mańyzdy ekenin aıtty. Ákimderdiń jaýapkershilikti ózine alyp, der kezinde sheshim qabyldaýdan qashatynyn da synǵa aldy. Prezıdenttiń sózinen keıin qorytyndy shyǵarǵan ákimder jergilikti máseleler boıynsha der kezinde sheshim qabyldap nemese naqty jaýap berip, jurtty joǵaryǵa júginýge jetkizbeıtin shyǵar dep úmittenemin», deıdi О́rken Ábdiraıymuly.

ShYMKENT