«30 jyl ishinde Qazaqstanǵa tartylǵan 350 mıllıard dollar tikeleı sheteldik ınvestısııanyń jartysyna jýyǵy Eýropadan shyqqan. Eýropalyq Odaq - Qazaqstannyń eń iri saýda seriktesi, onyń úlesine bizdiń syrtqy saýdanyń 40%-dan astamy tıesili», dedi Memleket basshysy Ortalyq Azııa memleketteri men Eýropalyq Keńes basshylarynyń ekinshi kezdesýinde.
Prezıdenttiń aıtýynsha, ótken jyly Qazaqstan men EO elderi arasyndaǵy ózara saýda kólemi 40 mıllıard dollardy qurady.
«Men bul kórsetkishti 2025 jylǵa qaraı 50 mıllıard dollarǵa jetkizýge tolyq múmkindigimiz bar dep esepteımin», dedi el Prezıdenti.
