Qazaqstanda 11 myńnan astam balabaqsha bar. Olardyń teń jartysy memlekettik. Oqý-aǵartý mınıstri Ǵanı Beısembaev balabaqshalardyń qazaq tiline kóshý jospary suranys pen qajettilikke baılanysty ekenin atap ótti.
«Qazaq tilindegi balabaqshalarǵa qajettilik te, suranys ta bar. Jalpy, memlekettik balabaqshalardyń barlyǵyn memlekettik tilde júrgizý máselesin tolyqqandy iske asyrýǵa bolady dep esepteımiz», dedi mınıstr.
Ǵanı Beısembaev BAQ ókilderiniń bul jospardyń naqty qashan oryndalatynyna qatysty suraǵyna jaýap berip, jumystyń pysyqtalyp jatqanyn aıtty.
«Iаǵnı qansha balabaqsha qaı tilde dáris beretini jáne osy tapsyrmany qalaı oryndaýǵa bolatyny týrasynda jumystar pysyqtalyp jatyr. Memlekettik tilde dáris beretin balabaqshany uıymdastyrý eshqandaı qıyndyq týdyrmaıdy dep oılaımyn», dedi Oqý-aǵartý mınıstri.
