Ulttyq testileý ortalyǵy 2023-2024 oqý jylyna otandyq joǵary oqý oryndardaryna túsýge arnalǵan UBT-nyń shekti baldaryn jarııalady.
«Quqyq» jáne «Pedagogıkalyq ǵylymdar» bilim berý salalary úshin keminde 75 ball bolýy kerek, «Densaýlyq saqtaý jáne áleýmettik qamtamasyz etý (medısına)» keminde 70 ball, «Aýyl sharýashylyǵy jáne bıoresýrstar», «Veterınarııa» keminde 60 ball; ulttyq joǵary oqý oryndaryna túsý úshin keminde 65 ball, basqa joǵary oqý oryndaryna keminde 50 ball jınaý kerek. Ár pán boıynsha shekti ball - 5 ball.
Sonymen qatar 2019 jyldan bastap akademııalyq erkindik sheńberinde JOO-lar aqyly negizde de, grant boıynsha da oqýǵa qabyldaý úshin UBT-nyń óz shekti baldaryn belgileýge quqyly.
UTO jyl saıyn talapkerlerge yńǵaıly bolý maqsatynda elimizdiń barlyq joǵary oqý ornynyń shekti baldaryn ortaq tizimde usynady. Bul derekter oqý oryndarynyń veb saıttarynda da qoljetimdi.
«Mysaly, bir túlek matematıka pániniń muǵalimi bolǵysy keledi dep alaıyq. Ol UBT-da jınaǵan 80 balymen grant konkýrsyna nemese EUÝ-dyń aqyly bólimine tapsyrǵysy keledi. Sizder biletindeı, «Pedagogıkalyq ǵylymdarǵa» shekti ball keminde 75 ball, al ulttyq joǵary oqý oryndaryna keminde 65 ball. Túlektiń jınaǵan baly oqýǵa qabyldaý úshin jetip tur. Alaıda bul ýnıversıtettegi onyń oqyǵysy keletin mamandyqqa shekti ball 90-nan bastalady. Demek, túlekke 80-nen tómen shekti baldary bar basqa ýnıversıtetti izdeý kerek. Sondyqtan oqýǵa qujattardy tapsyrar aldynda talapkerler joǵary oqý oryndarynyń shekti baldaryn bilýi tıis», dep atap ótti UTO dırektory Rýslan Emelbaev.
