Taldyqorǵan qalasynda uıymdastyrylǵan tas joldaǵy velosporttan jekeleı jarystyń jeńimpazy atanǵan Lýsenko spartakıadanyń sońǵy kúnindegi toptyq jarysta da aldyna jan salmady. 164 shaqyrymǵa (5 aınalym) jalǵasqan jarysta ulttyq quramanyń kóshbasshysy, Soltústik Qazaqstan oblysynyń ókili Alekseı Lýsenko máre syzyǵyn birinshi bolyp kesti. Ekinshi oryndy jeńimpazdan 2 mınýt 5 sekýndqa qalyp qoıǵan Aqmola oblysynyń veloshabandozy Evgenıı Gıdıch ıelense, úzdik úshtikti Soltústik Qazaqstan oblysynyń taǵy bir sportshysy Danııl Marýhın túıindedi.
23 jasqa deıingi veloshabandozdar arasyndaǵy básekede London Olımpıadasynyń chempıony Aleksandr Vınokýrovtyń uly Nıkolıa Vınokýrov (SQO) Qazaqstan chempıony atansa, Andreı Remhege (Almaty oblysy) kúmis júlde buıyrdy. Qola júldeni О́rken Slamjanov (Jetisý oblysy) ıelendi.
