Sportty damytý dıreksııasynyń málimeti boıynsha spartakıadanyń sońǵy kúninde jankúıerler ár sport túriniń fınaldyq básekelerin tamashalady. Shaǵyn fýtbol boıynsha fınaldyq saıysta Astana qalasynyń komandasynan basym túsken Qostanaı oblysynyń quramasy jeńiske jetse, voleıbol jarysynda túrkistandyqtar jeńimpaz atandy. Sheshýshi oıynda olar BQO komandasynan basym tústi. Sonymen qatar Túrkistan oblysynyń memlekettik qyzmetkerleri ústel tennısinde de qarsylas shaq keltirmedi.
Qazaq kúresi boıynsha Atyraý oblysynyń apaıtós balýandary myqtylyq tanytsa, toǵyzqumalaqta Aqtóbe oblysynyń ókilderi bas júldege ıe boldy. Bılıardta shymkenttik tastaıaqshylardyń sheberligi ústem bolsa, sýda júzýde Qaraǵandy oblysynyń sportshylary basymdyq tanytty.
Spartakıada qorytyndysy boıynsha eń kóp upaı jınaǵan Túrkistan oblysynyń quramasy jalpykomandalyq esepte top jardy. Sonymen qatar Batys Qazaqstan oblysy – ekinshi, Pavlodar oblysy úshinshi oryndy ıelendi.
