Erekshe atap óterligi, bıylǵy týrnırde tennısten Qazaqstannyń erler jáne áıelder arasyndaǵy kóshbasshy tennısshileri Aleksandr Býblık pen Elena Rybakına Ýımbldon týrnıriniń myqtylary qataryna qosyldy. Iаǵnı jerlesterimiz jerebe nátıjesi boıynsha alǵashqy aınalymdarda reıtıngte tómen ornalasqan qarsylastarymen sheberlik baıqasady.
Áıelder arasyndaǵy byltyrǵy týrnırdiń jeńimpazy, álemdik reıtıngte úshinshi orynda turǵan Elena Rybakına bıylǵy Ýımbldon jarysynyń úshinshi raketkasy bolyp tirkeldi. Ol endi ótken jylǵy chempıondyq ataǵyn qorǵaýǵa tyrysady. Al álemniń 27-raketkasy Aleksandr Býblık Ýımbldonda alǵash ret tańdaýlylar qatarynda baq synaıdy. Jýyrda otandasymyz Germanııanyń Galle qalasyndaǵy iri jarysta tamasha óner kórsetip, jeńimpaz atanǵan bolatyn. Sol nátıjesiniń arqasynda Býblık Londondaǵy jarysqa álemniń 24-raketkasy bolyp qosylmaq.
