El kýbogi básekesiniń úsh dúrkin jeńimpazy «Astana» óz alańynda ótken jartylaı fınaldyń alǵashqy oıynynda Shymkenttiń «Ordabasy» klýbyn qabyldap, 1:0 esebimen jeńiske jetti. Oıyndaǵy jalǵyz goldy ekinshi taımnyń 73-mınýtynda alań qojaıyndary sapynan Igor Ivanovıch soqty.
Al jartylaı fınaldyń ekinshi matchynda «Tobyl» men «Atyraý» komandalary kezdesip, bul oıynda da kezdesýdiń taǵdyryn alań ıeleri soqqan jalǵyz gol sheship ketti. Básekeniń 83-mınýtynda «Tobyl» sapynan Asmır Sýlıch mergendik tanytty.
«Astana» men «Ordabasy» arasyndaǵy qarymta match 6 shildede, «Tobyl» men «Atyraýdyń» qarymta kezdesýi 8 shildede ótedi.
