Úzdikter iriktelgen týrnır

Bir aptaǵa jalǵasqan ja­­rysta erler quramasy – 13, əıel­der – 12 salmaq dá­re­je­sinde kim myqtyny anyq­ta­dy. Alys-jaqyn shetelden kelgen quramalardyń bap­ker­leri bul týrnırge óz elde­ri­niń ekinshi jáne úshinshi nó­mirli boks­shylaryn ákelip, shá­kirt­teriniń sheteldegi týrnırde qalaı óner kórsetetinin baıqasa, Myr­zaǵalı Aıtja­nov jas boks­­shylarmen qa­tar, Olım­pıa­da, əlem jəne Azııa chem­pıo­natynyń jeńimpazy men júl­degerlerin qatystyrdy. So­nymen qatar ulttyq qurama­nyń bapkerler qosyny týrnır barysynda aldaǵy Azııa oıyn­dary­na baratyn birneshe sal­maqta­ǵy negizgi boksshylardy anyq­­tap alǵanyn da aıta ketken jón. Máselen, 57, 63,5 jəne 92 kı­lo salmaqtarda úzdik shyqqan sport­shylar qyrkúıek pen qazan aıy aralyǵynda Qytaıdyń Hanch­joý qalasynda Azııa oıyn­da­ryna qatysyp, Parıj Olım­pıa­dasynyń joldamasyn ıelenýge talpynyp kóredi.

Endi osy negizgi úsh salmaq­tyń nátıjelerine az-kem toqta­lyp ót­sek. Bıylǵy dodada naǵyz tartysty jekpe-jek­ter 57 kılo sal­maq dáre­jesinde órbigeni belgi­li. О́ıt­­keni Olımpııa oıyndarynyń baǵdarlamasyna engen salmaqta elimizdiń kil myqty boksshylary judyryqtasty. Atap aıtqan­da, osy salmaqtyń úzdigi, 2021 jylǵy álem chempıonatynyń jáne 2022 jylǵy Azııa birinshiliginiń kúmis júldegeri Serik Temirjanov­tan bólek, jýyrda ǵana Tashkent­te ótken álem chempıonatynda, onyń aldyndaǵy 22 jasqa de­ıingi jastar arasyndaǵy Azııa birin­shiliginde chempıon atanǵan 54 kılo salmaqtaǵy talantty boksshy Mahmud Sabyrhan, el chem­pıonatynyń júldegerleri Orazbek Asylqulov, jastar ara­syndaǵy álem chempıonatynyń kúmis júldegeri Erbolat Sabyr, taǵy basqa boksshylar da óner kórsetti.

22 jastaǵy Mahmud Sabyr­han jarys barysynda jańa sal­maq dárejesinde judyryqtassa da, 57 kılony jatsynbaı, ózin er­kin sezinip, fınalǵa deıin alqyn­­baı jetti. Tusaýkeser kezdesýinde ­ol el chempıonatynyń jáne ha­lyq­aralyq jarystardyń júlde­geri Orazbek Asylqulovtan 4:1 ­ese­bimen basym tússe, odan ke­ıingi jekpe-jeginde mońǵo­lııa­lyq Kharký Bılgýnsaıhan­dy 5:0 ese­bimen tize búktir­di. Al jartylaı fınalda Serik Temirjanovpen sheberlik baıqasty. Qos myq­tynyń kez­desýin tamashalaýǵa «Beeline Arena» sport ke­sheni­ne óte kóp jankúıer jınaldy. Ma­man­dar men boks ­jan­kúıerle­ri­niń qyzyǵý­shy­lyǵyn týdyrǵan aıqas­ta Mahmud óz myqtylyǵyn dá­­leldep, jarys jeńimpazy atandy. Temirjanov bul kezdesýde Mahmudqa qarsy eshqandaı aıla-tásil qoldana almady. Úsh raýnd boıy soqqy jasaýǵa murshasy kelmeı, tek qorǵanýmen boldy. Qorytyndy esep – 4:1.

Sondaı-aq Azııa oıyndary­na irikteý salmaǵy bolǵan 63,5 kı­loda da jekpe-jekter óte shıe­lenisti ótti. 60 pen 63,5 kılo­nyń eń myqtylary jınalǵan báse­kede 2021 jyly 63 kıloda el chempıony atanǵan Ertýǵan Zeınýllınovtiń baǵy jandy. Fınalda ol Taıland boksshysy Hýnatıp Pıdnýhten basym tústi. Bul salmaqta úshinshi oryndy Muhammedsabyr Bazarbaıuly men Sultan Mýsınov ıelendi. Jarys sońynda bas bapker bul salmaqta áli de irikteý júretinin, Azııa oıyndaryna naqty kim baratyny tamyz aıynda belgili bolatynyn aıtty.

Al 92 kılo salmaqta jas­tar arasyndaǵy Olımpııa oıyn­da­ry­nyń jeńimpazy, jastar ara­syn­daǵy álem chempıonatynyń kúmis júldegeri, eresekter ara­syn­daǵy Azııa jáne el chempıony Aıbek Oralbaı kópshilik kút­kendeı judyryqtasa almaı, jarysty qola júldemen túıindedi. Al «Elorda kýboginde» buǵan de­ıin 86 kıloda baq synaǵan Sa­ǵyn­dyq Toǵambaı top jardy. «Bul salmaqtyń úzdigi sanalǵan Aı­bek alǵashqy jekpe-jegin Tájik­stan boksshysymen ótkizip, óz deń­geıinde óner kórsete almady. Jar­tylaı fınalda salmaǵy asyp ke­tip, jarys jolynan shyǵyp qal­­dy. Bul – erejeni buzý, tártip saq­tamaǵandyqty bildiredi. Boks­shylarymyz elimizdegi jarys­tarda uqyptylyq tanytpasa, úlken jarystarda jaǵdaıdyń qalaı bolaryn baǵamdaı beri­ńiz. Sondyq­tan aldaǵy ýaqytta bul máseleni keńinen talqylap, boksshyǵa shara qoldanamyz», deıdi M.Aıtjanov.

О́zge salmaqtaǵy nátıje­ler­ge toqtalar bolsaq, 48 kıloda el chempıonatynyń alty dúrkin je­ńimpazy Temirtas Júsipov baǵy jansa, 51 kıloda Səken Bıbosynovqa teń keler eshkim tabylmady. Sonymen qatar «Elor­da kýboginde» Tımýr Qabdeshev (54 kg), Dılshod Abdýmýrodov (О́zbekstan, 60 kg), Shamsher Saıdov (Tájikstan, 67 kg), Havasbek Asadýllaev (О́zbekstan, 71 kg), Nurqanat Raıys (75 kg), Toqtarbek Tańathan (Qytaı, 80 kg), Abzal Quttybekov (86 kg), Saǵyndyq Toǵambaı (92 kg) jáne Djahongır Zokırov (+92 kg) úzdik shyqty.

Jarys qorytyndysy boıyn­sha, erler arasynda týrnırde Mahmud Sabyrhan (57 kg) úzdik boksshysy atansa, qyzdar arasynda bul ataq qytaılyq Iаng Chengýge (63 kg) buıyrdy.