Dálirek aıtqanda:
- bırjalyq metaldar boıynsha 50%-ǵa (altyn, kúmis, alıýmınıı, mys, myrysh, ýran);
- bırjadan tys jekelegen metaldar boıynsha (temir/temir rýdasy, hrom jáne hrom rýdasy, marganes jáne temir-marganes rýdasy, platına, vanadıı, vısmýt, myshıak, volfram, palladıı, qalaıy, nıkel, tıtan, magnıı, kobalt, sýrma) 30%-ǵa ulǵaıtyldy.
Sondaı-aq Memleket basshysynyń 2022 jylǵy 11 qantardaǵy taý-ken sektorynyń jańa ken oryndaryn barlaý jáne ıgerý úshin qosymsha jeńildikterdi pysyqtaý qajettigi týraly tapsyrmasyn oryndaý sheńberinde Salyq kodeksiniń 746-babynyń 3-tarmaǵynda kózdelgen sharttardy bir mezgilde saqtaı otyryp, ónerkásiptik óndirý bastalǵan sátten bastap alpys aı (5 jyl) ishinde paıdaly qazbalardy óndirýge salynatyn salyq boıynsha 0 paıyz mólsherlemesin qoldaný kózdelgen.
Eger taý-ken sektorynyń ken orny boıynsha (jer qoınaýyn paıdalanýǵa arnalǵan bir kelisimshart boıynsha ken oryndarynyń tobyna, ken ornynyń bir bóligine) rentabeldilik deńgeıi 5 paıyz jáne odan az bolǵan jaǵdaıda, Qazaqstan Respýblıkasynyń Úkimeti aıqyndaǵan ólshemsharttarǵa sáıkes kelgen kezde, 2022 jylǵy 31 jeltoqsandaǵy jaǵdaı boıynsha Salyq kodeksinde belgilengen paıdaly qazbalardy óndirýge salynatyn salyq stavkalaryn qoldaný quqyǵy berildi.
Salyq kodeksiniń 745-babynyń 6-tarmaǵyna mıneraldyq shıkizatty satý tolyq bolmaǵan kezde ken ornynda esepten shyǵarylǵan qorlar quramynan alynatyndaryn (ysyraptardy qaıtarý) qospaǵanda, paıdaly qazbalary bar mıneraldyq shıkizattyń qunyn aıqyndaý maqsatynda ózgerister engizildi.
