Jerlesimiz Londonda ótip jatqan tennısten «Úlken dýlyǵa» sanatyndaǵy týrnırdiń tórtinshi aınalymynda álemniń 7-raketkasy reseılik Andreı Rýblevpen sheberlik baıqasty. Ortalyq kortta ótken kezdesýdiń alǵashqy eki partııasy Býblık úshin sátsiz bastaldy. A.Rýblev eki sette de bir-bir breık-poınt jasap, 7:5 jáne 6:3 esebimen jeńiske jetti. Al keıingi eki partııada A.Býblık qarqynyn arttyryp, tarazy basyn teńestirip ketti. Otandasymyz qarsylasy sııaqty breık-poınt jasaı almasa da, taı-breıkte sátti oınady. Atap aıtqanda, úshinshi sette esep 6:6 bolyp turǵanda taı-breıkte 8:6 esebimen myqtylyq tanytsa, tórtinshi sette 7:5 (7:6) nátıjesimen basym boldy.
О́kinishke qaraı, A.Býblık besinshi partııanyń jetinshi geıminde Andreı Rýblevke taǵy bir breık jasaýyna múmkindik berip, ýysynda turǵan jeńisinen aıyrylyp qaldy – 6:4. Osylaısha, Aleksandr Býblık sporttyq jolynda alǵash ret «Úlken dýlyǵa» jarysynyń tórtinshi aınalymyna deıin jetti. Býblık pen Rýblev osyǵan deıin bir-birimen bes ret kezdesip, sonyń ekeýinde jerlesimizdiń mereıi ústem bolǵan edi.
