Polisia.kz jazýynsha, bas aıyptalýshynyń kóligin polısııa qyzmetkerleri Jandosov kóshesinde bógedi. 30 jastaǵy E. esimdi azamattyń kóliginen erekshe ıisi bar krıstaldanǵan zat salynǵan sómke tabyldy.
«Ustalǵan azamat ózinen tárkilengen zat mefedron esirtki zaty ekenin aıtty. Er adamnyń aıtýynsha, ol bul esirtkini dostarymen birge sıntetıkalyq esirtki óndirý úshin uıymdastyrǵan ýaqytsha zerthanada jasaǵan. Zerthana Almaty oblysy, Ile aýdany aýmaǵyndaǵy jaldamaly úıde ornalasqan. Ǵımaratty tintý kezinde zerthanalyq qural-jabdyqtar, shıkizat pen satýǵa daıyn ónimder tabylyp, tárkilendi», dedi Almaty qalalyq polısııa departamenti bastyǵynyń orynbasary Dıdar Ahanov.
Jedel derekterge sáıkes, óndirýshiler esirtkini ózderi taratqan. Taǵy eki kúdikti – 28 jastaǵy M. esimdi azamat pen 29 jastaǵy S. esimdi azamat esirtki qylmysyna qarsy kúres basqarmasy men polısııanyń arnaıy jasaqtarynyń qyzmetkerleri jasaǵan arnaıy is-shara kezinde boldy.
Kúdiktiler qamaýǵa alyndy.
Qylmystyq isti QR QK-niń 297-baby boıynsha Bostandyq aýdandyq PB-ǵa qarasty polısııa bólimi tergep jatyr. Sot-hımııalyq saraptama taǵaıyndaldy.
