Ár jas sanaty boıynsha ótkizilgen dodada Qazaqstan quramasynyń shahmatshylary el qorjynyna 40 medal salyp, úzdikter qatarynan kórindi. Atap aıtqanda, jerlesterimiz klassıkalyq shahmat boıynsha 4 altyn, 3 kúmis jáne 4 qola júlde oljalap, jalpykomandalyq esepte О́zbekstan ókilderine ǵana jol berip, ekinshi orynǵa turaqtady. Sondaı-aq 6 jasqa deıingi chempıonattan tys jaǵdaıda ótken oıynda elimizdiń jas shahmatshylary 2 altyn jáne 1 kúmis jeńip aldy.
Al rapıd jáne blıs shahmat boıynsha otandastarymyz komandalyq esepte úzdik shyqty. Blıs básekesinde shahmatshylarymyz 5 altyn jáne 3 qola medal oljalasa, rapıd boıynsha da jerlesterimiz top jaryp, 7 altyn, 3 kúmis jáne 8 qola júldege qol jetkizdi.
Sary qurlyq dodasyna Bangladesh, Úndistan, Qazaqstan, Qyrǵyzstan, Oman, Shrı-Lanka, Tájikstan, Túrikmenstan, О́zbekstan elderinen 280-nen astam shahmatshy jáne Halyqaralyq shahmat federasııasy atynan oıynshylar qatysty.
